Keith Groeneveld, partneri i Adriana Matoshit ka folur për herë të parë pas operacionit që iu nënshtrua aktorja për të larguar tumorin në tru.
Kur Adriana zbuloi se ishte diagnostikuar sërish me këtë sëmundje të rëndë, miq, kolegë, fansa treguan mbështetjen ndaj saj por ata që i qëndruan më pranë ishin fëmijët dhe sigurisht Keith.
Ky i fundit, duke folur për momentin kur mori vesh se Adrianës i ishte rikthyer sëmundja pas vitesh, tha se ndihej i dërrmuar.
“Për Adrianën ishte e vështirë sepse e dinte çfarë ishte, e dinte se mund të vdiste nga diçka si kjo dhe se mund të linte familjen, mua, miqtë dhe të dashurit e saj. Isha i dërrmuar nga lajmi.
Nuk e dija çfarë të mendoja apo bëja por vetëm falenderoj Zotin që operacioni shkoi siç duhet. Ajo ishte shumë e fortë. Nuk mund ta imagjinoni sa e fortë dhe pozitive ishte dhe vazhdon të jetë.”, tha ai.
Më tej, ai zbuloi se ndërhyrja ishte planifikuar më vonë por gjendja shëndetësore e saj i përshpejtoi gjërat.
“Kam qenë me të pas operacionit çdo ditë, gjithashtu kam fjetur në spital për ta përkrahur dhe për ta ndihmuar por për mua ky moment pranë saj ishte ndryshe. I jep Adrianës më shumë fuqi dhe lumturi për të kaluar këtë proces me partnerin”, tha ai. /abcnews.al
LEXO EDHE: ADRIANA MATOSHI: PREMTIMIN QË JUA DHASHË, E MBAJTA… UNË U KTHEVA
Adriana Matoshi është deklaruar në profilin e saj në Facebook për gjendjen e saj shëndetësore. Ajo ka thënë se është mirë dhe me rekomandimin e mjekut i duhet pushim edhe për një kohë.
Postimi i saj i plotë në Facebook
Gjithmonë e kom ditë që jemi popull i bashkum, popull që e zgjasim dorën kur duhet, po asniher nuk kisha besu sa shumë ndikojnë psiqikisht edhe shpirtnisht krejt ato thirrje, mesazhe, komente e dedikime pafund që i lexojsha gjithandej.
Forca nuk u reflektu veç te unë, po te krejt njerzt me t’cilët jom e lidhun shpirtnisht. Ju i keni bo edhe ata me besu n’lutjet tuaja…
TEKSTIN E PLOTË MUND TA LEXONI KËTU
