Gina Lollobrigida, një prej yjeve më të mëdha të kinematografisë europiane, e përshkruar shpeshherë edhe si “gruaja më e bukur në botë”, ndërroi jetë në moshën 95-vjeçare, duke lënë pas një trashëgimi filmike që përfshin filma të mëdhenj si “Gungaçi i Notre Damit”, dhe “E bukur, por e rrezikshme”.
Ajo interpretoi në krah të legjnedave të Hollivudit si Humphrey Bogart, Antony Quinn, Frank Sinatra, Rock Hudson dhe Errol Flynn.
Lollobrigida ishte një prej ikonave të fundit të mbetura gjallë të ditëve të lavdishme të kinemasë.
Manjati i filmit- Howard Hughes, në atë kohë njeriu më i pasur i botës – “e mbyti” me propozime për martesë- anekënd globit adhurohej talenti dhe bukuria e saj, por jashtë kamerave, ishte po kaq e famshme dhe lufta mes Ginës dhe yllit tjetër italian, Sophia Loren.
Luigina Lollobrigida lindi 4 korrikun e vitit 1927. Vajza e një prodhuesi mobiliesh, vitet e adoleshencës i kaloi duke shmangur bombardimet e luftës përpara se të studionte skulpturë në Akademinë e Arteve të Bukura të Romës.
Një zbulues talentesh i ofroi një audicion në Cinecitta – asokohe studioja më e madhe e filmit në Evropë. Fillimisht, nuk mendoi se aktrimi ishte ajo që donte.
“E refuzova rolin e parë që më ofruan”, do të rrëfente më vonë.
“Ata thanë se do të më paguanin një mijë lireta, dhe unë u thashë se doja një milion lireta, duke menduar se kjo gjë do t’i bënte të tërhiqeshin. Por çuditërisht ata thanë po”, qe shprehur aktorja.
E bukur, por me një jetë private të vështirë, vetëm pasi kishte kaluar të ’90-tat pati guximin të rrëfente publikisht se ishte përdhunuar në moshë mjaft të re dhe kjo kishte shënjuar më pas me dhimbje të gjithë jetën e saj./gazetatema.net
ObserverKult
Lexo edhe:
NDAHET NGA JETA AKTORJA E NJOHUR, GINA LOLLOBRIGIDA
Ka ndërruar jetë në moshën 95-vjeçare aktorja e njohur italiane Gina Lollobrigida, një protagoniste e madhe e kinemasë italiane
Ka ndërruar jetë në moshën 95-vjeçare aktorja e njohur italiane Gina Lollobrigida, një protagoniste e madhe e kinemasë italiane. Lajmin e raportoi Corriere della Sera, duke thënë se ajo ishte “e shtruar në spital prej disa kohësh”.
Tekstin e plotë mund ta lexoni KËTU:
ObserverKult
