“Gëzim! Nuk ka fjalë tjetër”. Kështu u përgjigj shkrimtari Ismail Kadare kur u pyet se si ndihet që libri i tij, “Kur Sunduesit Grinden” është shpallur kandidat për çmimin “The Booker 2024”.
“Gëzim, nuk ka fjalë tjetër! Nuk ka fjalë tjetër, çdo autor e mirëpret një vlerësim të tillë. Është një rol i rëndësishëm i çdo vepre i çdo shkrimtari në çdo gjuhë të botës.
I bën nder shkrimtarit, gjuhës, vendit nga përkthehet. Çdo njohje e re në çdo gjuhë ndihmon edhe gjuhët e tjera që ta marrin e ta afrojnë një autor”, tha Kadare për Euronews Albania.
Libri i botuar në vitin 2018 në Shqipëri, sjell një qasje mbi raportin e shkrimtarëve me diktatorët. Kadare rrëfen telefonatën e diskutuar gjatë, të një shkrimtari në ish-Bashkimin Sovjetik me Stalinin që në një moment do ta përdorte këtë telefonatë kundër vetë shkrimtarit.
Juria që vlerësoi librin dhe e renditi mes librave të përzgjedhur në garë, e cilësoi këtë roman një meditim magjepsës mbi Rusinë Sovjetike, autoritarizmin, strukturat e pushtetit dhe një periudhë shkrimtarësh të mëdhenj. /Euronews Albania
ObserverKult
Lexo edhe:
SERGEJ ESENIN: E DASHUR MOJ, Ç’MË GJETI VALLË!
Më thonë lulet ‘”lamtumirë’’
E kryet poshtë ulin ato,
Se më s’do shoh fushë e kaltirë
E sytë e saj më s’do t’i shoh.
E dashur moj, ç’më gjeti vallë!
Vështrova lulet, pash’ përdhe,
Dhe kjo rrënqetheje e ftohtë varri
Më ngjan si përkëdhelje e re.
Dhe un’, që jetën e kalova
Me buzëqeshje gjithnjë,
Të them në jetë u mësova”
“E përsëritshme ësht’ çdo gjë!’’
S’ka gjë në se do t’vij një tjetër,-
I vdekuri nuk ndjen trishtim
Për ty, të dashurën e mbetur,
Do të këndoj’ më me gëzim.
Dhe kur të ndjesh këngën e tija,
Në krah’ të tjetrit gjithnjë,
Ndoshta ndërmend do të të vija.
Porsi një lule që s’kthen më…
Poezinë e plotë mund ta lexoni KËTU:
ObserverKult
