Ismail Kadare shpallet “Qytetar Nderi” i Tetovës: “Nuk e kam lehtë të flas…”

Komuna e Tetovës shpalli shkrimtarin e madh shqiptar Ismail Kadare “Qytetar Nderi”.

Ismail Kadare tha se ndjehet i vlerësuar për këtë akt nga komuna e Tetovës, duke shtuar se e ka të vështirë të flas para lexuesve në një prej qyteteve iliro-shqiptare. Kadare tha se shkrimtar sado i njohur që të jetë në botë apo dhe vendin e tij, ëndërron për çaste të këtilla.

“Nuk e kam lehtë të flas para jush, jo se nuk e di të them fjalë, por se çaste të tilla janë të rralla në jetën e shkrimtarëve, të jetë përpara lexuesve në një prej qyteteve iliro-shqiptare.

Këto janë çaste që çdo shkrimtar në botë ëndërron t’i përjetojë, pasi jeta njerëzore ushqehet nga ngjarje të këtilla. Iu falënderoj të gjithëve që erdhët në këtë sallë për të më takuar.

Unë kur dëgjoj fjalët tuaja për atë që kam shkruar, harroj çdo mundim që kam përjetuar. Nuk ka vlerësim më të madh për mua, kur njerëzit presin të dëgjojnë diçka më tepër”, ka thënë Kadare.

Ndërsa kryetari i Komunës së Tetovës, Bilall Kasami, e konsideroi këtë ditë, ditë të veçantë për qytetin.

 “Ditë e veçantë për tetovarët, jemi të nderuar dhe krenarë që sot shpallim qytetar nderi shkrimtarin e madh, Ismail Kadare. Jemi me fat që jetojmë në kohën e Ismail Kadare”, u shpreh Kasami./shqiptarja.com


Lexo edhe:

KUR ISMAIL KADARE I PËRGJIGJEJ SHKRIMTARIT E POLITIKANIT SERB, VUK DRASHKOVIQ

“Le Monde Diplomatique” ka botuar, në tetor të 1989, reagimin e shkrimtarit të madh shqiptar Ismail Kadare ndaj shkrimtarit dhe politikanit serb Vuk Drashkoviq mbi origjinën e shqiptarëve, që Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar

Tekstin e plotë e gjeni KËTU

ObserverKult