Shkrimtarja shqiptare Denata Ndreca do të jetë pjesë e maratonës së poezisë “Contemporaneamente le parole di Dante” (Aktualiteti i fjalëve të Dantes), nismë e shoqatës kulturore “La Nottola di Minerva” dhe “Giunti Editore”.
Një maratonë që përfshin dy faza të rëndësishme, më 25 mars 2021 në Shtëpinë e Dantes dje Opera Santa Croce në Firence, si dhe më 13 shtator 2021 në “Castello di Poppi”.
Gjithashtu maratona do të vijoi në tetor në Panairin Ndërkombëtarë të Librit në Torino etj..
Kontributet e para do të paraqiten në 25 Mars 2021, me rastin e vitit të Dantes, një datë që studiuesit e identifikojnë si fillimin e udhëtimit të botës tjetër të Komedisë.
Disa nga pyetjet që synon të ngrejë kjo maratonë pjesë e së cilës janë shumë shkrimtarë dhe poetë të njohur italianë, mes tyre dhe shqiptarja Ndreca, janë: Si vazhdon të jetë ende i gjallë zëri i Dantes në jetën tonë të përditshme dhe burim i stimujve për poetët dhe lexuesit bashkëkohorë? Cilat fjalë dhe idioma të Dantes mund të ndihmojnë për t’i treguar botës bashkëkohore? Në një moment kaq delikat dhe të vështirë, a mund të na sugjerojë udhëtimi i Dantes një busull? A mund të ndihmojë për të rizbuluar identitete të reja, duke treguar shtigje dhe metafora për të përballuar dhe kapërcyer krizën, gjithashtu të ndërgjegjes, të shkaktuar nga pandemia?
Poetët e përfshirë në këtë maratonë kanë pranuar sfidën për të propozuar një fjalë ose një mënyrë për të thënë që akoma sot mund të ofrojë një çelës interpretues të bashkëkohësit. Secili autor paraqet poezinë e Dantes me gjuhë dhe ritme të pabotuara për të kapur në tekstin Dante një instrument për të lexuar botën përreth nesh, duke e afruar atë me metafora dhe analogji me ndjeshmërinë dhe imagjinatën krijuese të lexuesve, me vëmendje të veçantë për brezat e rinj./diasporashqiptare
