Nga José Saramago
Domethënë që duhet të lexojmë në tjetër mënyrë…
Si vallë?
Aspak nuk nevojitet të lexojnë të gjithë në mënyrë të njëjtë. Ngaqë gjithkush mund të sajojë mënyrën e vet të leximit; ka nga ata njerëz që e kalojnë tërë jetën e tyre duke lexuar pa arritur kurrsesi të bëjnë diçka më qenësore se leximi mirëfilli, prandaj ngelen si të ngjitur pas faqes së librit, pa mundur dot të kuptojnë se fjalët janë porsi gurët që i vendosim për të kaluar nëpër rrjedhën e rrëmbyer të një lumi, meqë aty ndodhen vetëm për të na mundësuar të shkojmë gjer në bregun tjetër, sepse pikërisht bregu tjetër ka rëndësi jetike.
Përveç… Përveçse?…
Përveçse mund të rastisë që këta lumenj ndoshta nuk kanë vetëm dy brigje, por shumë brigje të panumërta, prandaj gjithkush që lexon me ëndje të shndërrohet në bregun e tij vetjak, ndërsa veç në bregun e tij secili lexues të duhet gjithmonë të arrijë përmes leximit.
Përktheu nga portugalishtja:Elvi Sidheri
ObserverKult
Lexo edhe:
10 PËFITIMET NGA LEXIMI I PËRDITSHËM
- Mbron shëndetin mendor
Studimet kanë treguar se personat që lexojnë rregullisht çdo ditë dhe e mbajnë vëmendjen përditë aktive përmes leximit, kanë 2.5 herë më pak shanse për të zhvilluar sëmundjen nervore degjenerative të Alzhaimerit.
- Redukton stresin
Një studim i bërë në “University of Sussec” në vitin 2009 ka treguar se leximi i përditshëm me vetëm 6 minuta redukton stresin me 68%, sepse gjatë kohës që lexohet diçka, lexuesi bëhet pjesë e një bote larg realitetit të përditshëm.
- Shton njohuritë e përgjithshme
Nuk është e thënë që duhet të lexoni materiale shkencore për të marrë informacione të shumta lidhur me tema të ndryshme. Edhe një roman tipik veror mund t’ju japë informacione për sjelljet e njerëzve, menaxhimin e situatave dhe të problemeve etj. Edhe këto janë njohuri.
- Nxit empatinë
Në një studim me njerëz heteroseksualë që shpreheshin me urrejtje për homoseksualët, secili prej tyre do të paguhej, nëse do të përfundonte së lexuari një libër lidhur me jetën e një personi homoseksual.
Tekstin e plotë mund ta lexoni KËTU:
ObserverKult
