“Kam punuar mbi 20 vjet për shtatoren e Ndre Mjedës”, skulptori: Shkodranët dinë përmendësh një tufë me poezi të tij

Sadik Spahija është mjeshtri i skulpturës shqiptare. Ai prej vitesh ka bërë shtatore apo busteve madhështore, herë në dimensione klasike e herë në dimensione moderne.

I ftuar në emisionin “Pas Mesnate” në ABC News, ai zbuloi se shtatorja që i ka marrë më shumë kohë, ka qenë ajo e poetit, Ndre Mjedës.

Sipas artistit, i janë dashur mbi 20 vite dhe ndihet shumë krenar, pasi shumica e shkodranëve dinë përmendësh poezitë e Mjedës.

“Mjeda më ka marrë shumë kohë, kam punuar mbi 20 vjet. Kam bërë me dhjetra portrete. Mund të vazhdoja edhe më tej. Shkodranët janë në gjendje të thonë përmendësh një tufë me poezi të tij. Ne jemi rritur me poezitë e Mjedës dhe një miku im letrar thotë që nëse Mjeda do të përkthej mirë do të ishte një autor i jashtëzakonshëm, do të përfaqësonte të gjithë letërsinë shqipe”, tha ai.

Kujtojmë që kjo shtatore u përuruar në nderim të 75-vjetorit të vdekjes së poetit të madh dhe në kuadër të 100-vjetorit të Pavarësisë në vitin 2012./abcnews.al

ObserverKult


Lexo edhe:

NDRE MJEDA: DJALI PA NANË SI NATA PA HANË

Pra ‘i djalë i vorfen kuej nuk i dhimet,
Kur, si mue t’shkretin, t’a mlojn mjerimet?
Teper shpejt bora, tuj ra n’ vorfunim,
Njatë qi per mue ish’ diell n’ agim.

Emnin e kandshem m’i a ndie kot prita
Njasajë qi n’ kobe do t’ m’ ishte drita:
Kuej nuk i dhimem, askush s’ m’ kujton,
Sado qi zemra vec gjak m’ pikon.

Kur, un i mjeri, rrijshe tu shpija,
Me nanë, me moter, ah! sa dashtnija
Vlote n’ ket zemer, qi sot s’ka gzim,
Vetem pse nana m’ la n’ ket vorfnim.

Poezinë e plotë mund ta lexoni KËTU:

ObserverKult