Këngëtari i njohur, Devis Xherahu, ka bërë një rrëfim prekës në lidhje me humbjen e të atit. Ai thotë se kishte trashëguar ëndrrën amerikane prej tij.
Xherahu është shprehur në një intervistë TCH se pasi ka bërë turneun në 9 shtete të Amerikës i ka rrëfyer të atin aventurën.
Më tej, thotë ai, është larguar drejt Tiranës dhe ka marrë një telefonatë nga e ëma e cila i ka dhënë lajmin e hidhur për vdekjen e babait.
“Më ngacmove aty ku më dhemb. Ka qenë viti 2007 isha në një turne në Amerikë, unë trashëgova ëndrrën amerikanë nga babi im, pasi bëra turneun në 9 shtete të Amerikës dhe dy të Kanadasë, bij në Korçë më priste babi, i tregova për Amerikën dhe ai u emocionua pa masë, pimë verë atë ditë, morëm kitarën dhe kënduam, ëndrra e tij u bë realitet dhe ai ishte i ngopur.
Po shkoja në Tiranë se kisha një koncert dhe sa afrohem tek Sheshi Skënderbej më mori mamaja në telefon dhe më tha na la babai, e mbylla telefonin dhe thashë çfarë ndodhi ai ishte në rregull, kishte shkuar të luante bilardo dhe aty e la zemra. E kam një peng se ndoshta edhe emocioni i bukur ndikon tek njerëzit dhe ëndrra që kishte ai për Amerikën ndoshta i dhashë një gëzim më shumë se çfarë mbante zemra e tij”, u shpreh këngëtari Devis Xherahu.
Lexo edhe:
“GREQIA ME ‘VODHI’ ËNDRRËN AMERIKANE”, DEVIS XHERAHU RRËFEN SAKRIFICËN QË ZGJATI 11 VJET
Devis Xherahu, një nga këngëtarët më të dashur për publikun shqiptar, ka qenë së fundmi i ftuar në emisionin ‘Glamour Zone’ në Tv Ora, ku rrëfeu për moderatoren Ester Bylyku një nga sakrificat më të mëdha që bëri për karrierën e tij.
Ëndrra e tij më e madhe ishte Amerika, madje me këtë frymë është rritur nga babai i tij i ndjerë, por ashtu siç shprehet dhe vetë këngëtari, këtë ëndërr ‘ai vodhi’ Greqia…
Tekstin e plotë e gjeni KËTU
ObserverKult
