Me një urim të veçantë dhe fotografi e ka uruar ditën e Fitër Bajramit muzeu i fotografisë “Marubi”, Shkodër.
Me fotografinë më të vjetër të Tiranës, shkrepur nga Pietro Marubbi, ku dallohet Xhamia e Et’hem Beut dhe Kulla e Sahatit, stafi i muzeut u uron besimtarëve myslimanë: Përshumvjet Fitër Bajramin.
Muzeu “Marubi” ka sjellë ekspozita, biseda, programe edukimi, botime dhe aktivitete të tjera që ndërlidhen patjetër me fotografinë dhe arkivin “Marubi”, zemrën e institucionit, por gjithmonë vëmendja është tek kultivimi, hulumtimi, hapja ndaj publikut e tek kujdesi ndaj studiuesve, vizitorëve, nxënësve e studentëve.
Pastaj krijimi i dinamikave, gjegjësisht për krijimin e një hapësire ftuese e cila ruan e promovon trashëgiminë kulturore në qytet e më gjerë.
Ndërsa viti 2023 duhet theksuar se ka shënuar një rekord vizitueshmërie të Muzeut Kombëtar të Fotografisë “Marubi” me një numër total prej 19220 vizitorësh (52,7% femra dhe 47,3% meshkuj), shifër kjo 22% më e lartë se në vitin 2022.
ObserverKult
Lexo edhe:
KUSH ISHTE PIETRO MARUBI DHE ÇFARË TRASHËGIMIE E LA PAS VETES?
Muzeu kombëtar i fotografisë “Marubi” ka publikuar, kohë më parë, një material kushtuar Pietro Marubit.
Pietro Marubi (Piacenza, Itali 14. 8.1832 – Shkodër, 22. 5.1903).
“Në moshën 22-vjeçare, u përfshi në lëvizje patriotike kundër pushtimit austriak duke luftuar për bashkimin e Italisë. Përfshirja e tij në këto lëvizje si dhe në vrasjen e Dukës së Parmës, Karlit III, e detyruan të ikte nga vendlindja.
Udhëtimi i tij filloi në Trieste. Për të vijuar në Korfuz, Zarë, Budva. E kjo derisa vjen e vendoset përfundimisht në Shkodër më 1858”. Kështu ka njoftuar muzeu.
Tekstin e plotë mund ta lexoni KËTU:
ObserverKult
