Mbase do takohena ne të dy ndonjëherë
se qytetet tona janë ma të vogla se fatet
do lëshojme veç nji përshëndetje në erë
si fjongo që mban lidhë puthjet dhe inatet
A ndoshta do takohen të gjithë përveç nesh
e tillë asht kjo botë me habitjet pa çudi
por unë them le t’dashurohen vesh me vesh
ata që u veshën me pellgje e me shi
Prandaj kur një ditë nga ato ditët normale
ke me gjetë nji kënaqësi që amël flet me ty
do mendojnë se je e marrë apo krejt banale
por ti e din se jam unë ajo kënaqsi pa arsy.
ObserverKult
Lexo edhe:
KLODIAN KOJASHI: MBUSHET DHOMA ME JETËN TANDE…
Kliko edhe:
REKOMANDIME LEXIMI NGA KLODIAN KOJASHI
Në kuadër të rubrikës Rekomandime leximi, ObserverKult kësaj radhe ka mysafir poetin Klodian Kojashi.
Ja cilat janë librat që Kojashi u sugjeron të pasionuarve pas leximit.
————————————
Jo vetëm qi asht e vështirë me sugjeru disa libra por them e pamujtun. Jo, e vështir s’asht me i sugjeru por iluzion i madh me shpresu se tjetri te ato libra ka me hasë ato shije e ka me përtyp me mendje ato vizione që ke provu ti vetë. Kjo sepse, siç thoshte Proust, njeriu s’lexon librin por përmes librit lexon vetveten. Libri, vazhdon Proust, s’asht veçse nji lente qi mundëson me pa brenda vetes ato gjana që pa librin s’i shef dot.
Tekstin e plotë e gjeni KETU
ObserverKult
