Gazetari Artan Hoxha është shprehur se kompania që ka në zotërim patentën e Big Brother ka kërkuar që ta mbyllë programin pas sulmit të bërë ndaj Top Channel.
I ftuar në një emision, Hoxha tha se kanë ndjerë që është cenuar siguria dhe e kanë kërkuar mbylljen e programit, por nuk shtoi më shumë detaje lidhur me këtë ngjarje.
Ai tha se Tirana ka mjaftueshëm burime njerëzore për ta zbardhur këtë sulm të rëndë.
“Sot diskutohej kompania, Endemol, që i ka dhënë ekskluzivitetin Top Channel për Big Brother. Është cenuar siguria. Kërkon ta mbyllë. Ti e pe, njeriu që dha të dhënat e para ishte Qetësori, është nga Vlora ai. Duket vlonjati sepse është mësuar. Të ishte në Tiranë do të na kishte thënë janë zjarrfikëse. Por, të flasim për sigurinë, kemi hetuesit më të mirë në kryeqytet. Nëse ne me burime të mira njerëzore nuk e zbardhim dot. Atëherë, çfarë të themi? Unë kam qenë tek Top Channel në darkë, kam shkuar dhe në mëngjes sepse nuk bëja dot lidhjen, pse është vrarë roja. Derisa thanë ekspertët që është goditur me një plumb rikoshetë,”- thotë Hoxha.
Sulmi i rëndë ndodhi pak pas mesnate dhe viktimë mbeti roja i sigurisë, Pal Kola 60 vjeç.
Autorët iu afruan objektit të televizionit me një ‘Range Rover’ dhe qëlluan me dy kallshnikovë.
Më pas, ata u larguan në drejtim të Kasharit, u futën në autostradën Tiranë-Durrës dhe morën rrugën për në Golem ku dhe dogjën makinën e përdorur në krim.
Deri më tani, policia nuk ka asnjë të dyshuar për ngjarjen dhe ka kërkuar ndihmë nga qytetarët për informacione të vlefshme.
Si shpërblim ofron shumën prej 100 mijë eurosh. /tiranaweb.al
ObserverKult
Lexo edhe:
“REGJIA QENDRORE E BIG BROTHER…”/ ARTAN HOXHËN E LARGOJNË NGA PUNA, GAZETARI NXJERR ZBULUAR EMRIN E NJOHUR QË MORI KËTË VENDIM
Në A Show me Adi Krastën, në Syri Tv, Artan Hoxha tregoi si iu komunikua shkarkimi nga puna dhe si ndryshuan qëndrim ata, që ai i quan regjia qendrore (pushteti), kur ai publikoi një material për 21 janarin.
Hoxha thotë se vendimet në televizionin ABC i merr Endri Fuga, drejtori i mediave në Kryeministri dhe njeriu që kujdeset për Pr-in e Edi Ramës. Artan Hoxha prej dy muajsh nuk është në punë.
“Nuk ka qenë asnjëherë media dhe paisazhi mediatik kaq i kontrolluar nga një regji qendrore.
Televizioni ku unë punoja, pa më njoftuar askush, i ishte dhënë një urdhër redaktorëve që nuk del më në ekran.
Në ekran kanë dalë të gjithë analistët që dilnin në ekranet e tjera. Dhe nga ai moment për shkak se ngjarjet vazhduan. Deri aty dukesha si i tyre, çoja ujë te mulliri i tyre dhe tani kisha kaluar te krahu tjetër.
Tekstin e plotë mund ta lexoni KËTU:
ObserverKult
