Pas një mungese prej më shumë se një viti të aktiviteteve kulturore dhe artistike për shkak të pandemisë COVID-19, “Serenata21” i riktheu Korçës gjallërinë e munguar. 17 këngë korçare, serenata të riorkestruara që u interpretuan nga këngëtarët korçarë, rikthyen emocionet e forta tek qytetarët dhe turistët që kanë pushtuar Korçën.
Këngëtarët e kanë pritur me entuziazëm këtë organizim dhe ngjitjen në skenë pas pauzës për shkak të pandemisë.
Koncerti “Serenata21” është i pari që çeli kalendarin e larmishëm të aktiviteteve në qytet për t’i dhënë një hov jetës artistike dhe asaj turistike në këtë vit që shpresojmë të jetë i fundit, i prekur nga COVID-19./BW
