Elsa Lila është një këngëtare jo pak e njohur, ku mundi të rrëmbejë menjëherë zemrat e shqiptarëve që me daljen e saj të parë në skenë me këngën “Pyes lotin” në vitin 1996, ku rrëmbeu edhe çmimin e parë.
Askush nuk e harroi më zërin e mrekullueshëm të Elsa Lilës, ndërsa ajo fitoi sërish çmimin e parë në Festival një vit më pas, me këngën “Larg Urrejtjes”.
Këngëtarja më pas u largua drejt Italisë, ku edhe atje vijoi karrierën në muzikë, duke marrë pjesë në Sanremo. Ajo për herë të parë këndoi në Itali në vitin 2003 me këngën Valeria, ndërkohë që në vitin 2007 mori pjesë sërish me këngën “Il senso della vita” (Kuptimi i jetës).
Por prej shumë vitesh ajo ishte tërhequr nga muzika, ndërsa në vitin 2010 u bë nënë për herë të parë, duke sjellë në jetë vajzën Evita, transmeton ‘report-tv.al’.
Elsa Lila u përfshi edhe në politikë vite më parë, kur Partia Socialiste asokohe në opozitë hyri në grevën e urisë në Çadrën para Kryeministrisë.
Ajo ka pozuar disa herë krah Edi Ramës, i cili në vitin 2013 publikoi foton me këngëtaren duke u përqafuar dhe ku shpjegonte se ajo erdhi nga Italia për të votuar Rilindjen.
Këngëtarja shqiptare, Elsa Lila, ishte arrestuar në 16 mars në Itali me akuzën për përfshirje në grup kriminal.
Elsa Lila rrëmbeu, në edicionin e fundit, çmimin e parë të Festivalit të Këngës në RTSH, pas 25 vitesh me një këngë dedikuar vajzës së saj, Evita.
Por ajo nuk do të përfaqësojë Shqipërinë në Eurovizion, sivjet, pasi publiku zgjodhi të dërgojë në Festivalin Europian të Këngës, Albinën dhe familjen Kelmendi.
Lexo edhe:
