Ledia Dushi: Femna s’asht njeri

Ledia Dushi

Nata
del
prej avujsh t’përroit,
si lodhja e vajzës
t’derdhun andrrash…
Shiu frymon
ndër pemë,
engjëjt lëshohen
fruta
n’parrizat
e trupit tim…
Gurëzit
janë qetimet
që rrëshqasin me verën
prej bishtit t’trunit…
Se dielli
u zhbaka
n’tavana t’zambakët…
lulediella t’zinj
dillojnë
përmbas shiut.

LEXO EDHE:

LEDIA DUSHI: SONTE BIJN’ YJE…

LEDIA DUSHI: SI PLASET TOKA MJESEVE