Marie Shllaku, shkodrania 24-vjeçare që u pushkatua nga komunistët

marie shllaku u pushkatu nga komunistet observerkult

Shkodrania 24-vjeçare që u pushkatua nga komunistët

“U pushkatuan në Prizren në nëntor të vitit 1946, pas gjyqit që iu bë asaj bashkë me 26 intelektualët e tjerë të angazhuar për bashkimin e trojeve shqiptare.

Sigurimi i Shtetit në bashkëpunim me UDB-në vendosën në atë kohë pushkatimin për Marie Shllakun, 24 vjeç; At Bernard Llupi, 60 vjeç; Kolë Parubi, 41 vjeç; Gjergj Martini, 29 vjeç. Të gjithë ishin nga qyteti i Shkodrës. U dënuan me pretencën finale me 15 korrik 1946, ndërsa pushkatimi u bë në nëntor të po atij viti”

Kur hetuesi e pyeti Marie Shllakun: kur ke nisur të merresh me politikë, ajo u përgjigj:

  “Po, që herët jam marrë me politikë, në qoftë se mund të quhet politikë dashuria e ime për atdheun, përpjekja ime qysh se di për vete për një Shqipëri Etnike, të bashkuar me pjesët e saja të shkëputura, Kosovën dhe Çamërinë”.

Ishte dita e gjyqit komunist ndaj martires Marije Shllaku e cila u dënua me vdekje nga xhelatët komunistë.

Prizreni, u vesh me të zeza më 24 nëntor 1946, kur u zhvillua gjyqi famëkeq dhe pushkatimi i heroinës e pamposhtur Marie Shllaku.

Mëkati i saj i vetëm, për të cilën u vu para togës së pushkatimit ishte se e deshi me gjithë shpirt atdheun e saj.

Marie Shllaku, martire e demokracisë, u pushkatuar në moshën 24-vjeçare nga komunistët shqiptaro-serb në Prizren.

Shkodrania e dashuruar me Kosovën, ishte ndër ata intelektualë shqiptarë të angazhuar maksimalisht për bashkimin e trojeve etnike.,

Ajo mori pjesë edhe në Kuvendin e Drenicës.

Maria u kërcënua vazhdimisht e nga komunistët e të dy krahëve, por asnjëherë nuk u dorëzua në rrugën e saj, transmeton ‘kujto.al’.

Ajo ishte pjesë e intelektualëve që u pushkatuan në Prizren në nëntor të vitit 1946, pas gjyqit që iu bë asaj bashkë me 26 intelektualët e tjerë të angazhuar për bashkimin e trojeve shqiptare.

LEXO EDHE: NATA E PUSHKATIMIT TË HERONJVE MARIE SHLLAKU, AT BERNARDIN LLUPI, KOLË PARUBI, GJERGJ MARTINI