Sot në hollin e Teatrit Kombëtar të Kosovës, nën organizimin e Ministrisë së Kulturës, janë mbajtur homazhe për regjisoren e ndjerë, Burbuqe Berisha.
Në këtë ceremoni lamtumirëse morën pjesë Kryeministri i Republikës së Kosovës, Albin Kurti, dhe ministri i Kulturës, Hajrulla Çeku.
Kurti në fjalimin para mediave ka lartësuar figurën e ish-drejtoreshës së TKK-së duke thënë se puna dhe veprat e saj kanë lënë gjurmë të shkëlqyera në kulturën tonë.
“Erdhëm sot këtu në Teatër të cilin e deshi aq shumë dhe që kontribuoi gjithë jetën që t’ia japim lamtumirën e fundit regjisores Burbuqe Berisha. Qysh në kohën e okupimit të Serbisë e deri në ditët e fundit Burbuqe Berisha nuk është ndalur asnjëherë dhe angazhimi i saj e puna e saj për teatrin dhe filmin tek ne lë gjurmë të shkëlqyera në kulturën tonë”.
Ndërsa ministri Çeku ndër të tjera tha që komuniteti artistik i Kosovës ka humbur një punëtore të palodhshme dhe shoqëria kosovare një qytetare aktive, që nuk është ndalur së punuari.
“Edhe në momentin kur po jepte frymën e fundit, Burbuqe Berisha ishte duke punuar me regjinë e koncertit të parë të Operës së Kosovës, brenda ambientit të Ministrisë së Kulturës. Ishte moment i trishtë, por ne do ta kujtojmë jetën dhe veprën e saj” shtoi ai.
Homazhe për regjisoren Berisha gjatë ditës bënë edhe pjesëtarë të komunitetit artistik, personalitete politike, qytetarë, familjar dhe miq.
——————————————————————–
LEXO EDHE: KUSH ISHTE BURBUQE BERISHA, REGJISORJA QË SOT NDËRROI JETË
Ish-drejtoresha e Teatrit Kombëtar të Kosovës, Burbuqe Berisha, ka vdekur sot në vendin e saj të punës, në Ministrinë e Kulturës.
Në vendin e ngjarjes po qëndrojnë ekipet e nevojshme mjekësore dhe ekipi i Mjekësisë Ligjore.
Ndër personat e parë që shkroi për vdekjen e Berishës, ishte aktorja Shengyl Ismaili. E cila me anë të një postimi në profilin e saj në Facebook, shkroi “Pusho e qete Buqe, shpirti i bardhë”.
Në biografinë e Burbuqe Berishës shkruan se ajo studimet themelore dhe master i ka përfunduar në Fakultetin e Arteve. Dega Regji e Filmit në Universitetin e Prishtinës “Hasan Prishtina”, në Prishtinë…
TEKSTIN E PLOTË MUND TA LEXONI KËTU
