Shkrimtari më i përkthyer, nga gjuha spanjolle, në këtë shekull është Gabriel Garcia Marquez, i cili zëvendësoi Miguel de Cervantes, sipas të dhënave të fundit nga instituti Cervantes.
Rezulton se autori i “Njëqind vjet vetmi” është përkthyer në 10 gjuhë në dy dekadat e fundit, raporton Guardian.
Instituti doli në këtë konkluzion përmes bazës së të dhënave WorldCat, e cila përmban 554,858,648 regjistrime bibliografike në 483 gjuhë, dhe pa se cilët shkrimtarë janë përkthyer më shumë në arabisht, kinezçe, anglisht, frëngjisht, gjermanisht, italisht, japonisht, portugalisht, rusisht dhe suedisht.
Duke përdorur këto të dhëna, instituti Cervantes përpiloi një hartë të kërkueshme të veprave të përkthyera nga spanjishtja nga viti 1950 e deri më sot.
Raquel Calleja, kreu i kulturës në këtë institut, tha se harta do të zgjerohet në të ardhmen për të arritur sa më shumë gjuhë të jetë e mundur.
Nga viti 2000 deri në vitin 2021, autorët më të përkthyer spanjisht-folës ishin Marquez në vend të parë. Pastaj i ndjekur nga Isabel Allende, Jorge Luis Borges, Mario Vargas Llosa, Cervantes, Carlos Ruiz Zafon, Arturo Perez-Reverveda e Luis Sepule.
Megjithatë, thuhet aty, Cervantes mbetet shkrimtari më i përkthyer spanjisht-folës i tetë dekadave të fundit./ euronews.al
ObserverKult
Lexo edhe:
TREGIM NGA GABRIEL GARCIA MARQUEZ: ERDHA VETËM PËR TË FOLUR NË TELEFON
Nga Gabriel Garcia Marquez
Një pasdite me shi pranveror, kur udhëtonte e vetme drejt Barcelonës, duke ngarë një veturë të marrë me qira, Maria de la Luz Servantes pësoi një avari në shkretëtirën e Montenegros.
Ishte një meksikane njëzet e shtatë vjeçe, e bukur dhe serioze, e cila vite të shkuara kishte pasur një farë emri si artiste estrade.
Ishte martuar me një prestigjator salloni, me të cilin do të bashkohej atë ditë, pasi kishte vizituar disa të afërm të saj në Saragozë.
Pas një ore përpjekjesh të dëshpëruara me shenja ndaj automobilave dhe kamionëve të ngarkuar që kalonin me një shpejtësi të tmerrshme, shoferit të një autobusi rrangallë i erdhi keq për të, ndaloi dhe e mori. Veç, e paralajmëroi se nuk do të shkonte shumë larg.
Tekstin e plotë mund ta lexoni KËTU:
ObserverKult
