Presidenti Ilir Meta përmes një postimi në rrjetin social Facebook i ka uruar 85 vjetorin e e lindjes gjeniut të letrave shqipe, Ismail Kadaresë.
Meta është shprehur se Kadare është shprehësi më i jashtëzakonshëm i fuqisë së mendimit, kulturës, vlerave dhe forcës krijuese të kombit shqiptar.
“Ishe për ne dritë në një nga periudhat më të errëta, siç vijon të mbetesh një simbol i ndritur i vokacionit tonë europian, për çka të jemi mirënjohës përjetë”, shkruan Meta.
Në fund ai i ka shprehur përzemërsisht urimet e tij familjes Kadare dhe suksese në krijimtarinë e mëtejshme të shkrimtarit.
