Haaning thotë se nuk ka ndërmend të rikthejë paratë dhe nuk është i shqetësuar për pasojat...
Kur të premten e kaluar u çel një ekspozitë për të ardhmen e punës në një muze danez, vizitorët duhet të gjenin aty dy korniza të mëdha, të mbushura me kartëmonedha, me një vlerë të përgjithshme prej 84 mijë dollarësh.
Dy punimet artistike duhet të ishin riprodhime të dy veprave të artistit Jens Haaning. I cili i fuste kartëmonedhat në kornizë për të përfaqësuar rrogën mesatare vjetore të një austriaku dhe një danezi, në euro dhe krona daneze.
Por kur kuratorët e muzeut “Kunsten” u bënë gati të ekspozonin veprat, mbeten të befasuar, kornizat ishin bosh. Por askush nuk i kishte grabitur.
Ishte vetë Haaning, i cili i kishte mbajtur paratë, në emër të artit. “Zgjodha të bëj një vepër të re për këtë ekspozitë. Në vend që tregoj veprat e vjetra”, iu përgjigj Haaning një e-mail-i të muzeut.
Vepra “e re” konceptuale, të cilën Haaning e ka quajtur “Merr paratë dhe mbathja”. Tashmë është në qendër të sherrit mes muzeut dhe vetë artistit.
“Nga këndvështrimi im si artist, pashë që mund të krijoja një vepër shumë më të mirë nga sa mund të imagjinoja”, tha Haaning për CNN.
“Nuk e shoh sikur u kam vjedhur paratë, kam krijuar një vepër arti. E cila ndoshta është 10 apo 100 herë më e mirë se sa kisha planifikuar. Ku është problemi këtu?”, transmeton ‘a2news.com’
Përveç 84 mijë dollarëve, muzeu i kishte dhënë artistit edhe një pagesë prej 1571 dollarësh si pagesë për punën që do të bënte. Haaning thotë se nuk ka ndërmend të rikthejë paratë dhe nuk është i shqetësuar për pasojat.
Ndërsa drejtori i muzeut, Lasse Andersson, tha se ai ka kohë deri në janar për të rikthyer paratë, përndryshe çështja do të ndiqet në gjyq.
LEXO EDHE: Kontributi i personaliteteve nga SHBA dhe Britania e Madhe për Shqipërinë, ekspozita e veçantë
