Luftar kam dasht me t’pâ
Jo tu u kthy prej historisë
Po prej l’kur’s tânde
Atomet tuj t’shpërthy
E plaga dhimbt edhe mbas
Ni mal vjet’ve
Tuj kriju ciklin
E shqet’simit t’bukur
Sa kisha dasht me t’pas pâ luftar
Ty që herët ishe nis
Me e kërkue lirinë
Thojnë, kush e kthen kryet mbas
Nuk m’rrin me kohë n’vend
Për do gjana
Nuk t’kisha vet n’holl’si
Me t’pas pâ luft’tar
Nashta t’kisha ndi mâ burr’
Mâ djal’
Koftë edhe n’fotografi
T’parruem
T’untuem
Me flok’ bore prej pluhuni
T’vram’ dielli deri n’skej t’qaf’s
E pllâmb t’dorës
Nuk isha mundu me t’ngushëllu
Me t’pas pâ luftar
Trimi nuk ka nevojë
Për fjalë t’buta
As me varrë n’trup
As me luftë t’humbun
Me marr frymë prej lirisë
Tâne
Kisha dasht me t’pâ luftar
Jo me bâ kreni
T’tjer’t ngat teje
Për merita t’mrizume
N’ekrane
Kisha dasht me t’pâ tuj pi uj’
Kah e kalon pragun për liri
Me gjyksin drejtue robnisë
E luftar
Kisha besu se nuk ki me e hup
Asnjanën betej’
Me t’pas pâ luftar
Nashta s’kisha mujt pa ta njom krahin
Me naj pikë lot’
Mas plag’s n’âsht
Tash nuk e di a âsht mâ e rândë plaga
A pengu
Që s’u bane luftar
ObserverKult
Kliko edhe:
(VIDEO) NAIME BEQIRAJ/ REQUIEM PËR BEKIM LUMIN/ FESTIVALI POETIK I PRISHTINËS 2
