Sot, në Ministrinë e Kulturës, Rinisë dhe Sportit e Kosovës, u organizua ceremonia e ndarjes së çmimeve “Katarina Josipi” për Dramën Origjinale Shqipe, duke nderuar tri vepra që kontribuojnë në pasurimin e dramaturgjisë shqipe. Kjo u bë e ditur nëpërmjet një postimi në faqen në Facebook të kësaj ministrie.
“Çmimin kryesor e fitoi Jeton Neziraj me dramën “Udhëtimi i familjes Muller në Unmikistan”, një vepër që përshkruan tema komplekse të jetës në Kosovë dhe angazhimin për trajtimin e tyre përmes artit. Çmimi i dytë shkoi për dramën “Fridrih Fluturaku: Shifra Ubi Amor lbi Dolor” nga Astrit Kabashi, ndërsa i treti për dramën “Zelus” nga Hynor Vitia”, thuhet në njoftimin e MKRS-së.
Ministri Hajrulla Çeku, falënderoi artistët për përkushtimin e tyre dhe vlerësoi rëndësinë e mbështetjes së talentëve vendorë në zhvillimin e artit skenik.
Ai gjithashtu njoftoi se MKRS po punon për një rregullore të re për çmimet në kulturë, që do të mundësojë një sistem më gjithëpërfshirës për vlerësimin dhe mbështetjen e artistëve në Kosovë.
Juria për për vlerësimin e çmimeve ishte në përbërje të Fadil Hysaj, Kushtrim Koliqi, Bislim Muqaj, Kushtrim Mehemeti dhe Zoga Çeta Çitaku.
ObserverKult
Lexo edhe:
