Aktorja Louise Fletcher, e cila fitoi një Oscar për rolin e saj të paharrueshëm si infermierja Ratched në filmin “One Flew Over the Cuckoo’s Nest”, ka vdekur në moshën 88-vjeçare.
Lajmi është dhënë nga agjenti i saj, i cili tha se aktorja amerikane vdiq në shtëpinë e saj në jug të Francës.
Sipas BBC, ndërsa ajo ishte më e njohur për portretizimin e saj të “Nurse Ratched”, karriera e Fletcher u shtri në gjashtë dekada, duke përfshirë TV dhe film. Ish-kolegët dhe fansat i bënë homazhe aktores, duke e cilësuar atë si një aktore të madhe.
Fletcher ishte një e panjohur kur u zgjodh për të luajtur rolin e infermieres Ratched në filmin ‘One Flew Over the Cuckoo’s Nest’ të vitit 1975. Ajo filloi karrierën e saj të aktrimit në vitet ’50, por ndaloi për më shumë se një dekadë për të rritur fëmijët e saj. Aktoret kryesore, duke përfshirë Angela Lansbury dhe Ellen Burstyn, e kishin refuzuar të gjitha rolin, transmeton ‘gazetatema’.
I vendosur dhe filmuar në një spital psikiatrik në Oregon në SHBA, ‘One Flew Over the Cuckoo’s Nest’ u drejtua nga Milos Forman dhe u bazua në romanin e 1962 të Ken Kesey me të njëjtin emër. Filmi u tregua jashtëzakonisht i popullarizuar, duke fituar një sërë çmimesh dhe duke u futur në shumë lista të filmave më të mëdhenj amerikanë të të gjitha kohërave.
Fletcher fitoi një Oscar në vitin 1976 për rolin e saj. Ndërsa karriera e saj nuk arriti më kurrë të njëjtat lartësi, Fletcher pati një rol të përsëritur në shfaqjen televizive Star Trek: Deep Space Nine dhe fitoi nominime për Emmy.
Ajo u martua me producentin Jerry Bick në vitet 1960, përpara se të divorcohej në vitin 1977. Ajo la pas dy djem, John dhe Andrew.
Lexo edhe:
NDAHET NGA JETA PROFESORI I NJOHUR SHQIPTAR
ObserverKult
