Aktorja amerikane, Angela Lansbury, e njohur botërisht për interpretimin në serialin policor “Murder, She Wrote”, ka vdekur në moshën 96-vjeçare.
E nominuar tre herë për çmimin Oscar, Lansbury pati një karrierë të gjatë, 8 dekada në botën e kinemasë, televizionit dhe teatrit.
E lindur në vitin 1925, ajo ishte një nga yjet e mbijetuara të së ashtuquajturës Epoka e Artë e Hollivudit.
Portretizimi që Lansbury i bëri detektives Jessica Fletcher në serialin e sipërpërmendur i solli asaj miliona adhurues nga e gjithë bota, transmeton ‘euronews.al’.
Aktorja Angela Lansbury e mori rolin në fjalë në vitin 1984 dhe e mbajti për 12 vjet, periudhë gjatë të cilës u xhiruan plot 9 sezone. Përveç se të famshme, shfaqja e bëri atë një nga aktoret më të pasura të Shteteve të Bashkuara, me 100 milionë dollarë të ardhura.
Familja e saj bëri të ditur se Lansbury ndërroi jetë në gjumë, kur ishte vetëm 5 ditë larg nga ditëlindja e saj e 97-të.
Me të marrë vesh lajmin, fansa të shumtë bënë homazhe në yllin e saj në Bulevardin e Famës në Hollivud.
Lexo edhe:
NDAHET NGA JETA AKTORI I NJOHUR
Aktori i njohur, Austin Stoker ka vdekur në moshën 92-vjeçare.
Aktori – i cili njihet më së shumti për rolin e tij në filmin aksion të John Carpenter “Assault on Precinct 13”, vdiq në Qendrën Mjekësore Cedars-Sinai në Los Angeles, Kaliforni.
Robin Stoker, gruaja e tij prej 43 vitesh, ndau lajmin e trishtuar të vdekjes së tij në faqen e saj personale në Facebook dhe e përshkroi atë si ‘dashuria e jetës’…
Tekstin e plotë e gjeni KËTU
ObserverKult
