Ndahet nga jeta artistja e njohur shqiptare

Ganimet Vendresha, kryebalerina e parë e Teatrit të Operës dhe Baletit në Shqipëri, ka ndërruar jetë në moshën 88-vjeçare.

Ganimet Vendresha është një nga artistet tona të rralla që me dashurinë e saj ndaj disiplinës së baletit, ka mbajtur të gjallë dhe ka frymëzuar ëndrrën e shumë të rinjve e të rejave në vend, transmeton ‘tirananews.al’.

Lajmin e hidhur e ka bërë me dije, mbesa e saj, Ajola Xoxa, e cila thotë se ajo ndërroi jetë mbrëmë, e rrethuar nga njerëzit e saj më të dashur, duke lënë pas tek kushdo kujtimin e një njeriu të bukur brenda dhe jashtë.

“Gjyshja ime e mirë, Ganimet Vendresha, u nda nga jeta mbrëmë, e qetë dhe në paqe, siç e jetoi të gjithë jetën e saj, rrethuar nga njerëzit e dashur, duke lënë pas tek kushdo kujtimin e njeriu të bukur brenda dhe jashtë, dhe tek ne një dhimbje pambarim. Ajo i dha aq shumë Shqipërisë së saj dhe kujtdo pati fatin ta kishte në jetën e vet”.

Homazhet do të kryhen nesër, 30 shtator, nga ora 10:00 deri në 12:00 në Teatrin e Operas dhe Baletit dhe varrimi në orën 13:00 në varrezat e Tufinës.


Lexo edhe:

NDAHET NGA JETA AKTORJA E NJOHUR

Aktorja Louise Fletcher, e cila fitoi një Oscar për rolin e saj të paharrueshëm si infermierja Ratched në filmin “One Flew Over the Cuckoo’s Nest”, ka vdekur në moshën 88-vjeçare.

Lajmi është dhënë nga agjenti i saj, i cili tha se aktorja amerikane vdiq në shtëpinë e saj në jug të Francës.

Sipas BBC, ndërsa ajo ishte më e njohur për portretizimin e saj të “Nurse Ratched”, karriera e Fletcher u shtri në gjashtë dekada, duke përfshirë TV dhe film. Ish-kolegët dhe fansat i bënë homazhe aktores, duke e cilësuar atë si një aktore të madhe…

Tekstin e plotë e gjeni KËTU

ObserverKult