Është ndarë nga jeta në moshën 85-vjeçare Sekine Sharofi, primabalerina legjendare e Teatrit Kombëtar të Operës dhe Baletit si dhe bashkëshortja e tenorit dramatik Xhoni Athanas.
Shumë e kujtojnë si një vajzë të mahnitshme dhe një kërcimtare të disiplinuar me një temperament të shkëlqyer, që tërhiqte publikun artdashësh me figurat e saj.
Sekine Sharofi solistja e kërcimit klasik Sekine Sharofi lindi më 4 mars 1938.
Emri i saj identifikohet me skenën e Baleti Shqiptar. Sekine Sharofi ka hyrë në historinë e kërcimit klasik si soliste, si primadona me një shkëlqim marramendës që nuk harrohet kurrë.
E shkëlqyer dhe brilante në mënyrën se si interpretoi veprat më të rëndësishme të repertorit si: “Laurencia” nga Alexandër Krein, “Zhurale” nga Farid Jaruli, “Para stuhisë” nga Çesk Zadeja, “ Halili dhe Hajria” nga Tish Daija, “Lola” nga Marat Gaziev, “Delina” nga Çesk Zadeja, “Fadeta” nga Leo Delibes, “Cuca e maleve” nga Nikolla Zoraqi, “Shota dhe Azem Galica” nga Nikolla Zoraqi, “Petja dhe ujku” nga Sergei Prokofiev, “Kujdesi i kotë” nga Hertel, Rapsodia koreografike “Historia e një këngë” nga Nikolla Zoraqi, “Sheherezada” nga N. Rimskij Korsakov etj.
Një engjëll i bardhë, me një buzëqeshje që nuk shuhet kurrë. Një artiste që i dha vendit tonë jetë. Sekine do të mbetet për gjithmonë në plejadën e Artë të Artistëve Shqiptarë. Brezat më të vjetër do ta kujtojnë gjithmonë me atë buzëqeshjen e ndrojtur që vetëm ajo dinte t’ia dhuronte publikut shqiptar në një kohë kur gjithë Shqipëria ish bardhezi./javanews.al
ObserverKult
Lexo edhe:
NDAHET NGA JETA SHKRIMTARJA E NJOHUR
Është ndarë nga jeta shkrimtarja e njohur italiane, Michela Murgia. Shkrimtarja ka humbur betejën me një sëmundje të rëndë.
Ajo vetë, muajt e fundit, kishte treguar se vuante nga karcinoma e qelizave renale të stadit të katërt. Ndërsa kishte vendosur që këto muajt e fundit të jetës së saj t’i tregonte përmes kanaleve sociale. Por edhe me librin më të fundit “Tre kupa. Ritualet për një vit krize”, botuar në pranverë.
Tekstin e plotë mund ta lexoni KËTU:
ObserverKult
