Ajo ishte 91 vjeç dhe konsiderohej “spanjollja e kinemasë italiane”
Margarita Lozano konsiderohej në Spanjë si një aktore e aftë për të interpretuar më së miri një seri rolesh të shumta, në teatër dhe kinema.
Lozano ishte një artiste e madhe, si para publikut teatror ashtu edhe para kinemasë. Margarita Lozano ishte në gjendje të pushtonte Italinë dhe Spanjën me damarin e saj artistik. Ajo madje u cilësua si ‘hipnotike’ nga shtypi i vendit të saj.
Margarita lindi 91 vjet më parë në Tetuán, protektorati spanjoll në Marok, ku ishte transferuar babai i saj ushtarak. Ajo ishte rritur pranë Murcias, në Lorca, në Spanjën juglindore, transmeton ‘lapsi.al’.
Më pas në moshën 19-vjeçare shkoi në Madrid, ku filloi të kultivonte pasionin e saj për aktrimin.
Fillimisht teatri dhe më pas kinemaja, me debutimin në ekranin e madh me filmin ‘Viridiana’, në vitin 1961, me regji të regjisorit Luis Buñuel.
Veprat e saj më të bukura janë gjithashtu të lidhura pazgjidhshmërisht me Italinë. Ku ajo pati fatin të punojë me regjisorë si Sergio Leone, Pier Paolo Pasolini, Nanni Moretti dhe vëllezërit Taviani.
Një nga rolet e saj më të pëlqyer të saj mbetet ai i Consuelo Baxter, në filmin kult ‘A Fistful of Dollars’ të Leone (1964). Me Pasolinin lindi në vitin 1969 ‘Porcile’, ndërsa me Tinto Brass luajti në ‘Pushimet’ (1971). Ajo mori një pushim nga puna gjatë viteve 1970, duke u zhvendosur me bashkëshortin e saj italian, Sandro Magno, në Afrikë.
Lexo edhe:
SI NDËRROI JETË HATIJA, SHOQJA E NEXHMIJE HOXHËS, NËN TORTURAT E SIGURIMIT TË SHTETIT (DOKUMENTI)
