Në numrin më të ri të revistës elektronike HEJZA, miq të nderuar, mund të lexoni shkrime cilësore dhe interesante.
AVNI HALIMI shkruan për politikat kulturore në hapësirat shqiptare, duke shtruar dilemën se kush duhet të vendosë për këto politika dhe pse lihen anash artistët dhe krijuesit!
Në rubrikën e saj Letër nga diaspora, NEVIANA SHEHI shtron nevojë e iluminizmit të bashkatdhetarëve tanë, të cilët kanë mundësi të shkëlqyer që fisnikërohen shpirtërisht në vendet ku ata jetojnë e veprojnë. Një nga këto mundësi janë edhe muzetë me famë botërore, të cilat gjinden pikërisht në shtetet perëndimore.
Në këtë numër, miqtë e HEJZËS dhe jo vetëm ata, do të kenë mundësi të lexojnë një intervistë mjaft interesante me shkrimtarin REXHEP SHAHU.
Numri më i ri i HEJZËS ju sjell edhe një ese të ish-presidentit të Bosnjës dhe Hercegovinës, ALIJA IZETBEGOVIQ, i cili njëkohësisht ka qenë edhe një njohës i shkëlqyer i artit.
ERVINA TOPTANI na vjen me një shkrim që ka të bëjë me romanin e famshëm të Oruellit, “1984”.
Bashkëpunëtori i rregullt i HEJZËS, XHAHID BUSHATI shkruan për librin “Tregime të moçme shqiptare” të Mitrush Kutelit.
Një shenjë respekti të GRIGOR JOVANIT, i cili kohë më parë ndërroi jetë, HEJZA riboton intervistën e realizuar me të qysh në ditët e parë të jetësimit të platformës HEJZA.
SADIK KRASNIQI bën fjalë për figuracionin e poemës “Histori e Skënderbeut” të Naim Frashërit.
YZEDIN HIMA i jep përgjigje dilemës se a është realizmi socialist metodë letrare e artistike.
BARDHOSH GAÇE bën fjalë për dy librat me tregime të ARMENIDA QYQES.
LULJETA ISAKU bën fjalë për mitin dhe krijimtarinë artistike/
Një shkrim tejet interesant është ai i MARTIN LINGSIT që bën fjalë për Sufizmin si oqean i mundësisë së pafundme.
“Marrëzia e etikës” është një shkrim me përmbajtje të pasur i poetit tonë të shquar, FREDERIK RRESHPJA
Në këtë numër të HEJZËS, botojmë një cikël me poezi të AGRON TUFËS, ndërkaq tregimi i këtij numri është i të famshmit, DINO BUXATI.
“Poeti dhe bota” është titulli i shkrimit të nobelsites, VISLLAVA SIMBORSK
LEONARD VEIZI na vjen me një shkrim kushtuar aktores së famshme, Elizabet Tejlor.
Revistë mund ta lexoni duke klikuar në linkun më poshtë:
https://hejza.com/wp-content/uploads/Hejza-31-Mars.pdf
ObserverKult
Lexo edhe:
NË NUMRIN MË TË RI TË REVISTËS ELEKTRONIKE HEJZA MUND TË LEXONI
