Sot, në Universitetin e Pragës, do të flitet për kontributin e albanologut Jan Urban Jarnik (1848-1923) dhe për letërsinë shqipe.
Nga Kosova do të prezantohet shkrimtari Ag Apolloni, ndërsa nga Shqipëria shkrimtari Stefan Çapaliku.
Prezantimin e tyre do ta bëjnë Prof. Dr. Orkida Backus Borshi (e cila ka përkthyer në çekisht romanin “Ulurima e Ujkut” dhe është duke e përkthyer “Një fije shprese, një fije shkrepëse”), dhe Jakub Třešňák (i cili ka përkthyer pjesë nga dramat e Çapalikut).
Eventi është organizuar nga Prof. Dr. Jaroslav Otčenášek, shef i katedrës së Ballkanistikës në Universitetin e Karlit, në Pragë, si dhe nga profesoresha Borshi, ligjëruese në atë katedër.
Gjithashtu, për realizimin sa më të mirë të eventit kanë kontribuar edhe ambasada kosovare dhe ajo shqiptare në Pragë, znj. Albesjana Iberhysaj dhe z. Ilirian Kuka.
Takimi do të mbahet sot nga ora 17:00.
ObserverKult
Lexo edhe:
AG APOLLONI ME ROMANIN “KËSULËKUQJA – PËRRALLË PËR TË RRITUR” NDEROHET ME “SPECIAL MENTION” NGA EUROPEAN UNION PRIZE FOR LITERATURE
Ag Apolloni me romanin “Kësulëkuqja – përrallë për të rritur”, është nderuar me “Special Mention”, në një ceremoni solemne të ndarjes së çmimeve për letërsi nga Bashkimi Evropian, në Panairin e Librit në Lajpcig.
Në mesin e 13 veprave të nominuara të autorëve të 13 shteteve evropiane, me “Special Mention” janë nderuar: Kosova, Qiproja, Estonia, Finlanda dhe Franca.
Çmimin e Bashkimit Evropian për Letërsi e fitoi Martina Vidaić nga Kroacia.
Çmimi i Bashkimit Evropian për Letërsi (EUPL), i mbështetur nga programi Creative Europe i Bashkimit Evropian, është një iniciativë për të njohur shkrimtarët më të mirë të letërsisë në zhvillim në Evropë…
Tekstin e plotë e gjeni KËTU
