Platforma filmike, Netflix do të publikojë dokumentarin që përfshin një pjesë të jetës së këngëtares amerikane, Madonna.
Në këtë dokumentar do të paraqiten pamje nga turneu i saj, ‘Madame X’. Teksa do të shfaqen prapaskenat, sfidat që ka kaluar. Dhe ato të cilat e detyruan t’i anulonte koncertet më 2019 dhe 2020, transmeton ‘konica.al’.
“Madonna vendosi fjalë për fjalë, gjak, djersë dhe lot në turneun ‘Madame X’. Dhe ajo dëshiron që ky dokumentar ta tregojë atë për spektaklin që ishte” shkruan ‘The Sun’.
LEXO EDHE: Flasin nga “Netflix”: Ky është seriali më i suksesshëm
Filmi i ardhshëm do të vijë 30 vjet pas dokumentarit të saj ‘Truth Or Dare’, i cili tregonte jetën në rrugë gjatë turneut të saj të ‘Blond Ambition’.
Ndërkohë, Madonna është gjithashtu duke punuar në një film për jetën e saj, të cilin është duke e shkruar me Diablo Cody.
