Në raundin e parë të këngëve në gjysmëfinalen e parë të Eurovision 2023 ishte e qartë se një performancë la një përshtypje të paharrueshme.
Por nuk është ashtu siç prisnin fansat, me raketa, zhveshje të interpretuesve dhe një mesazh mjaft të fortë, shkruan Metro UK.
“Act Let 3”- grupi që përfaqësuan i Kroacinë sollën një performancë që u cilësua si ‘kaos absolut’ nga fansat, teksa interpretuan këngën e tyre “Mama SC”.
Grupi filluan performancën e tyre me një këngë që shpejt u fut në zemrat e audiencës ndërsa ata marshuan në skenë të veshur me uniforma të ndryshme ushtarësh dhe “mustaqe sportive”.
Mesazhi kundër luftës u këndua nga grupi i përbërë nga pesë muzikantë: Damir Martinoviq, Zoran Prodanoviq, Ivan Bojçiq, Drazhen Baljak dhe Matej Zec.
Ndërsa performanca e tyre tre minutëshe vazhdoi, ajo u bë gjithnjë e më e egër, duke përsëritur fjalët: “Nëna bleu një traktor”.
Në fund, palltot e ushtarëve ishin hedhur tutje ndërsa këngëtarët u zhveshën në të brendshme, duke mbajtur raketa gjigante në skenë ndërsa tërboheshin nga lufta.
Fansat e donin çdo sekondë këngën, dhe reaguan menjëherë me komente në rrjetet sociale.
“Kroacia: Eurovisioni klasik – krejtësisht i bezdisshëm, nuk e di se çfarë po ndodh, gjuha amtare, kaos absolut. E dua atë. 8/10”, ka shkruar një fans.
Dikush tjetër shkroi: “Unë mendoj se ky Eurovision mund të ketë arritur kulmin e Eurovisionit tashmë në gjysmëfinalen e parë me këtë performancë nga Kroacia”.
“Kroacia është gjithçka rreth Eurovisionit”, tha dikush tjetër./ina
Këngën përfaqësuese të Kroacisë mund ta shihni e dëgjoni më poshtë:
Lexo edhe:
NATA E PARË E EUROVISIONIT, KËTO JANË SHTETET E KUALIFIKUARA PËR FINALEN E MADHE
Të martën mbrëma (9 maj) në Liverpul është mbajtur gjysmëfinalja e parë e festivalit evropian të këngës ‘Eurovision 2023’.
Në “Liverpool Arena” kanë interpretuar përfaqësuesit e 15 shteteve, të cilët kanë konkuruar për njërin nga 10 vendet për finalen e të shtunës.
Tekstin e plotë e gjeni KËTU
