Kjo është një foto unike në 70mm e aktores shqiptare Eglantina Kume (lindur më 1950) në filmin artistik shqiptar, “Ngadhnjim Mbi Vdekjen” prodhuar në vitin 1967.
Ky film do të sillte interpretimin e saj të dytë si protagoniste vetëm në moshën 17-vjeçare, pas filmit “Duel i heshtur” prodhuar po në vitin 1967.
Në një intervistë të aktores lidhur me këtë film ajo do të shprehej:
“Xhirimet në qytetin e Gjirokastrës ishin shumë të vështira për mua.
Përveç përgjegjësisë, kisha dhe emocione të forta, pasi interpretoja përkrah aktorëve të njohur Naim Frashëri, Edi Luarasi apo Rikard Ljarja.
Fotot e tyre dikur i koleksionoja me aq dashuri në albumet e mia”.
“Skena e parë që xhiruam në tarracën e kalasë së Gjirokastrës ishte soditja e qytetit pas torturave të gjermanëve”, kujton Egla./ vjosa.net
ObserverKult
Lexo edhe:
“NGADHËNJIM MBI VDEKJEN”, JEHONË TË MADHE NË KINË/ PROTAGONISTJA E FILMIT TREGON PËR VIZITËN NË SHTETIN AZIATIK
Shumë filma nga kinematografia e viteve ’60-’70 në Shqipëri janë transmetuar në Kinë dhe janë pëlqyer shumë nga publiku kinez.
Eglantina Kume luan në rolin e personazhit kryesor, Mirës në filmin e realizuar në vitin 1967, Ngadhënjim mbi vdekjen.
Pasi filmi kishte bërë jehonë në Kinë, Eglantinën e ftuan në Kinë.
Ajo tregon në “Shqipëria live”, për pritjen madhështore: “Atëherë kur është bërë filmi, në Shqipëri artistëve nuk iu bëhej jehonë suksesi.
Unë suksesin e kuptova pasa 40 vitesh kur u ftova në Kinë. Jam surprizuar nga pritja, bisedat që kam bërë dhe njerëzit e shumtë që më njihnin.
Iu dukej e çuditshme që më panë nga afër, kam dhënë shumë autografe. Ndërsa në Shqipëri, kur doli filmi, nuk njihej fare autografi”.
Tekstin e plotë mund ta lexoni KËTU:
ObserverKult
