Pas fazës së parë në Gjilan ku nxënësit kanë pasur mundësi të ndjekin koncertin në kuadër të programit “Arti në shkolla”, duke filluar nga sot edhe nxënësit e Prishtinës do ta kenë këtë mundësi.
Kështu ka njoftuar Filarmonia e Kosovës përmes një njoftimi në Facebook, derisa ka treguar se cilat do të jenë katër shkollat e para që do të mund ta ndjekin këtë koncert, dhe po ashtu çka tjetër do të ketë ky program.
“Jemi të lumtur t’ju prezantojmë koncertin e parë në kuadër të programit ‘Arti në shkolla’ në Komunën e Prishtinës. Koncerti mbahet me datë 28 shtator 2023, ora 14:00 në Atelien e Pallatit të Rinisë dhe Sportit, Prishtinë”, bëhet me dije përmes njoftimit.
Koncerti i parë i dedikohet nxënësve të klasave të 6-ta nga katër shkolla të Komunës së Prishtinës. Të enjten nxënësit do të ndjekin një program i cili prezanton disa etapa të zhvillimit të muzikës klasike në Kosovë, kjo në drejtimin e mjeshtrit Gridi Kraja nga Shqipëria.
Dirigjenti Kraja do të drejtojë Filharmoninë e Kosovës me interpretimin e veprave nga Lorenc Antoni dhe Rexho Mulliqi, deri te Valton Beqiri.
Shkollat pjesëmarrëse janë SHFMU “Elena Gjika” – Prishtinë, SHFMU “Faik Konica” – Prishtinë, SHFMU “Ali Kelmendi” – Barilevë, SHFMU “Shkëndija” – Hajvali,
Ndryshe, Filarmonia e Kosovës së shpejti ka njoftuar se do të dalë edhe me detajet për koncertet e radhës dedikuar të rinjve./ObserverKult
Lexo edhe:
NDËRTIMI I SALLËS KONCERTALE MUND TË ZVARRITET, E KONFIRMON NËNKRYETARI I PRISHTINËS
Kur më në fund u tha se po bëhet një premtim i kahershëm i qeverisjeve komunale rrezikon të mbetet vetëm në letër.
Fjala është për sallën koncertale në Prishtinë, e shumëkërkuar dhe e nevojshme për komunitetin artistik, ndërtimi i të cilës mund të zvarritet për shkak të masave ndëshkuese të Bashkimit Evropian ndaj Kosovës.
Donacioni në vlerë prej 15 milionë eurosh tashmë është i pezulluar.
“Të gjitha fondet aktualisht janë në pauzë, për mos me thanë janë të ngrira fondet e BE-së për Kosovën. Kjo e atakon kryeqytetin në disa projekte. E një prej projekteve shumë të rëndësishme është edhe projekti i sallës koncertale”, tha nënkryetari i Prishtinës, Alban Zogaj.
Tekstin e plotë mund ta lexoni KËTU:
ME MALL TË PRET KY SHPIRTI IM…
Nga: Napoleon Lapathiotis
Ti vjeshtë e thellë mbushur trishtim, me mall të pret ky shpirti im,
me bubullima e pika shiu,
gjethe që bien me nxitim, pasditeve mbushur trishtim,
dhe dehjen q’e kam ndjerë gjetiu…
Behar i egër pjekëtar, që djeg si furrë e ndrin si zjarr,
qiej pa re, blu pa gjëmime:
sot zemra ime s’ gjen karar, kërkon të vijë një orë më parë,
veriu me breshër e thëllime!
Atëherë i krrusur, në vetmi, mbrëmjeve, thellë në shurdhëri,
plot nostalgji do ëndërroj,
dhe do më therrë më shumë e di, si një e largët melodi,
kujtimi i verës që kaloi…
Poezinë e plotë mund ta lexoni KËTU:
ObserverKult
