Unë të shikoj ty dhe dielli lind
Së shpejti do të mbulojë ditën tonë
Zgjoje zemrën dhe ngjyrat në mendje
Për të larguar dhimbjet e natës
Unë të shikoj gjithçka është zhveshur
Jashtë barkat kanë pak ujë
Ne duhet të themi gjithçka me pak fjalë
Deti është i ftohtë pa dashuri
Është fillimi i botës
Valët do të përkundin qiellin
Dhe ti përkundesh nga çarçafët e tu
E tërheq gjumin drejt teje
Zgjohu që unë të ndjek gjurmët e tua
Kam një trup me të pritë me të ndjekë ty
Nga portat e agimit te portat e hijes
Një trup për të kaluar jetën time duke të dashur
Një trup për të ëndërruar jashtë gjumit tënd.
Përktheu: Skënder Buçpapaj
