Richard Gere është një ndër aktorët më të njohur e të pëlqyer në botë. Ai mori një famë të jashtëzakonshme si protagonisti i filmave “Pretty Woman”, “Unfaithful”, “American Gigolo” dhe “An officer and a gentleman” ndër të tjera.
Ai njihet si një artistët më të talentuar dhe të pashëm të Hollivudit.
Ditët e fundit Gere, ka folur për rrugëtimin e tij të gjatë drejt famës dhe kushtet e vështira të cilat kaloi përpara se të arrinte suksesin e parë.
Ai shpjegoi se ndjenja e urisë ishte krejtësisht “normale” për të. Aktori hante vetëm vezë pasi ishte shumë keq nga ana ekonomike dhe nuk mund të përballonte më shumë.
Duke folur për rubrikën “PageSix” të “New York Post”, ai u shpreh: “Vakti im përbëhej nga vezët.
Nuk mund të dilja për të ngrënë nëpër restorante pasi nuk kisha mundësi. Në ato kohë isha i dëshpëruar.
Isha i uritur gjatë gjithë viteve ’70 ndonëse isha në hapat e para të karrierës sime. Isha duke u përpjekur gjatë gjithë kohës, por të pakët ishin aktorët që bënin para atë kohë.
Në Nju-Jork askush nuk fitonte para në këtë mënyrë dhe fatkeqësisht, uria ishte kthyer në normalitet.
Të qenit i uritur ishte normë për shumë njerëz, por veçanërisht për aktorët që nisnin rrugëtimin e tyre në atë vend. Ushqimi është një domosdoshmëri jetësore dhe shumë njerëz vazhdojnë të vuajnë se nuk kanë ushqim në tryezat e tyre.
Me rritjen e çmimeve, tani është bërë akoma edhe më e vështirë. Unë jam i gatshëm të ndihmoj këdo që ka nevojë, pasi kjo është një e drejtë themelore e njeriut.”
Gere ishte një ndër kryetarët e “City Harvest” që grumbullon ushqime nga restorantet, furrat e bukës dhe kafenetë.
Këto ushqime më pas shpërndahen me anë të shumë programeve të posaçme në të gjithë Nju-Jorkun për ata që kanë vërtet nevojë.
Tani aktori është 73 vjeç dhe prej kohësh nuk është më aq aktiv sa më parë.
Gere tregon se po heq dorë plotësisht nga impenjimet e karrierës dhe po bën një jetë të qetë e të rehatshme me bashkëshorten e tij Alejandra Silva-n./living. al
ObserverKult
Lexo edhe:
RICHARD GERE RRËFEN PËR FËMIJËRINË E VËSHTIRË: NËNA IME KUJDESEJ PËR GJITHÇKA…
Nga Enrica Brocardo
Richard Gere ka qenë idhulli për një brez të tërë. Tepër tërheqës edhe në këtë moshë, ai tregon se përveç bukurisë, ka mësuar nga jeta të jetë i dobishëm, i përulur dhe të marrë zgjuarsi.
Richard Gere i datëlindjes 31 gusht 1949, është aktor dhe regjisor amerikan. Është marrë me aktrim që nga bankat e shkollës në grupin teatror.
Është instrumentist dhe u bie disa instrumenteve. Bursa sportive i mundësoi studimet në filozofi në Universitetin e Massachusetts-erit.
Tekstin e plotë mund ta lexoni KËTU:
ObserverKult
