Artistja Parashqevi Simaku, ka vendosur të rikthehet në skenën e muzikës shqiptare pas shumë viteve mungesë. Kënga e saj e re u paralajmërua nga biznesmeni Elton Ilirjani, i cili e ka mbështetur këngëtaren në këtë rikthim. Së fundmi, Simaku ka publikuar një pjesë të këngës së re, por pritja nga publiku ishte negative.
Në rrjetet sociale, shumë ndjekës u shprehen të zhgënjyer, duke theksuar se prisnin një rikthim më dinjitoz për një artiste të kalibrit të saj.
“Nuk ka fjalë, është një moshë që nuk i shkon kështu… o jam gabim?”, shkruan një komentues.
Dikush tjetër e cilëson projektin si të papërshtatshëm për imazhin e saj:
“E papërshtatshme për emrin tënd e moshën tënde. Më vjen vërtet keq që s’ke forcën të vendosësh vetë për veten“.
Ndërsa një tjetër ndjekës e krahason me artistin Elton Ilirjani, duke thënë: “Ka filluar të bëjë sjellje si Eltoni.”
Ka edhe nga ata që ndihen të zhgënjyer nga drejtimi artistik i këngës:
“Edhe këngët duhet t’i përshtaten moshës dhe të ngrejnë nivelin profesional të këngëtarit, jo ta ulin”
Megjithatë, mes kritikave ka edhe nga ata që e mbështesin rikthimin e saj, duke vlerësuar forcën dhe guximin për t’u rikthyer në muzikë pas kaq shumë vitesh mungesë.
Disa komentues shprehen se ajo meriton një shans të dytë dhe e inkurajojnë të vijojë me pasionin e saj për muzikën.
ObserverKult
Lexo edhe:
