![rajmonda bulku rajmonda bulku](https://observerkult.com/wp-content/uploads/2022/08/rajmonda-bulku.jpg)
Nga Aulona Pasho
Rajmonda Bulku hyn në atë brez aktoresh, me të cilën jemi rritur shumica prej nesh. Ende sot e kësaj dite, filmat e saj shihen me admirim. Por jeta e aktores, nuk është gjithmonë si në film.
Dhe kështu ka ndodhur edhe me Bulkun. Pas rënies së komunizmit, si shumë të tjerë, ajo vendosi t’i hyjë politikës.
U bë dhe deputete madje, e Partisë Demokratike. Vetëm se, fatkeqësisht, nuk solli asgjë të re në politikë.
Madje do të mbahej mend vetëm për një konferencë për shtyp. Atëherë kur bënte si orë “tik tak, tik tak, tik tak” ndaj kryetarit të opozitës së atëhershme, Edi Rama.
Tani, pas shumë vitesh larg politikës, zonja Bulku ka vendosur të rikthehet sërish në politikë. Vetëm se gjërat janë pak më ndryshe dhe njeriu të cilin ajo mbështet, është shpallur “non grata” nga vendi i ëndrrave.
Do të ishte e kuptueshme përfshirja e Bulkut në politikë në vitet ’90, pasi të gjithë shpresonim që të bënim një Shqipëri më të mirë atëhere.
Por është e pakuptueshme të përfshihesh në politikë tani, duke ndjekur një plak që ka dalë rrugëve jo për liri e demokraci, siç na thoshte në vitet ’90, por për hallet e veta familjare.
Është e vërtetë që Shqipëria ka nevojë për një ndryshim të fortë. Por këtë ndryshim nuk mund ta sjellë njeriu që veç i ka bërë dëm këtij vendi dhe e ka si damkë të vulosur nga SHBA, që ka punuar veç për familjen dhe njerëzit e tij, jo për Shqipërinë.
Ndaj e dashur Monda, nëse do të shfaqesh si “Nëna Shqipëri” apo nëse synon vërtet të ndikosh për përmirësimin e Shqipërisë nëpërmjet përfshirjes në politikë, mirë do të bëje të gjejë rrugën dhe njeriun e duhur.
Jo një “non grata”, që të ka përdorur dhe po të përdor sërish fatkeqësisht, për të rregulluar sadopak imazhin e tij sterrë të zi.
Mos na bëj të humbasim dashurinë dhe respektin për ty, ti je më e madhe se çdo politikan, qoftë ky Berisha apo Rama./vjosa.net
ObserverKult
![](https://observerkult.com/wp-content/uploads/2023/03/rajmonda-bulku.jpg)
Lexo edhe:
RAJMONDA BULKU FLET PËR SKENAT E “SIKLETSHME” ME TIMO FLLOKON DHE NDRIÇIM XHEPËN…
Në skenën e puthjes me aktorin Timo Flloko te filmi “Vdekja e Kalit”, Rajmonda Bulku ende nuk ishte çliruar nga paragjykimet e së shkuarës.
Jo shumë vite më larg, kur ishte shfaqur filmi, “Duaje emrin tënd”, kishin rënë mbi të, akuza.
Faji më i madh i saji, që e pati ndjekur qysh kur i hyri kinematografisë, ishte bukuria! Të ishe e bukur, duhet ‘të mendoheshe mirë’.
Ajo tregoi, kohë më parë, si paragjykohej pse ishte e bukur, por dhe për përfshirjen në politikë.
Pse tundohen artistët nga politika? Njerëzit ju kanë njohur dhe ju kanë dashur për dekada, në një profil krejt tjetër.
A nuk mendoni se rrezikohet e gjithë kjo marrëdhënie për shkak të politikës?
Tekstin e plotë mund ta lexoni KËTU:
ObserverKult