Artisti Robert Aliaj Dragot ka rrëfyer një prej historive më të dhimbshme të jetës së tij duke thënë se e kanë dhunuar në vitin 1991.
Ai kishte shkuar në një koncert recital në qytetin e Beratit, ku tentonin ta nxirrnin me zor.
“Jam masakruar keq rëndë në ‘91-shin në stadiumin e Beratit, ku unë në një koncert recital kisha të ftuar Dritëro Agollin, meqë konsiderohej komunist nga pushteti që kishte ardhur që quhej demokratik. Kishin hap telashe ndërkohë mua po më hapnin telashe për të më vonuar shown, thashë që nuk nis pa ardhur Dritëroi se është një fyerje për një personazh që kam respekt, një njeri që më ka udhëzuar më shumë se sa më ka penguar.
Ne jemi frymëzuar nga këta poetë në atë kohë, se çfarë ka pas krijimtarisë së tyre personale është një histori tjetër. Mua më kanë sulmuar për të më nxjerrë me zor, ishte edhe shefi policisë së Beratit, më ka fut dorën më ka çarë nga thonjtë e paprera, edhe pse i isha i veshur me ca lëkura. E godita, nja 20 policë me shkopa që më sulmuan, tani imagjino në këtë murin ruhesha se mos haja ndonjë shkop kokës.
Unë godita një civil, ça ndodhi më masakruan në faqen tjetër të murit lanë bashkëshorten time. Imagjino një burrë që sheh me shpatulla pas muri femrën e vet, nuk mund të bëja asgjë.
Unë shpërtheva bëra ca munda por më e tmerrshmja ishte kur unë u detyrova të këndoja, ishte perversitet total, duhej të këndoja se ishte publiku aty se më thanë nëse ti flet se çfarë ndodhi këtu do të masakrojmë”, rrëfeu ai në emisionin ‘S’e luan topi’./gazetatema
Lexo edhe:
ROBERT ALIAJ: EDI RAMA MË KA “PROPOZUAR” PËR NJË POST, POR E KAM REFUZUAR
