Sarah Jessica Parker kohë më parë u shpreh kundër kritikave mizore dhe seksiste: “Kam rrudha dhe flokë të bardhë. Çfarë mund të bëj për këtë, a duhet të mos plakem dhe të zhdukem?
Dhe në fund Carrie u inatos me të vërtetë. Sarah Jessica Parker, u sulmua ashpër nga urrejtësit pasi zgjodhi të tregohej me flokë gri dhe rrudhat e pashmangshme të një gruaje (të bukur) 56-vjeçare.
Sepse, nëse i heqin, akuzohen se janë “të ribëra”, por nëse nuk retushohen dalin komentet: “O Zot, sa turp të tregohesh para kamerave me të gjitha shenjat e plakjes”.
Duke harruar frazën e mrekullueshme të thënë nga Anna Magnani për rrudhat e saj. Të cilat aktorja nuk ka dashur t’i mbulojë apo heqë asnjëherë: “Më lini të gjitha rrudhat, mos hiqni asnjë. M’u desh një jetë për t’i bërë të vijnë”.
Pas javësh sulmesh në mediat sociale, në TV ose në media, Sarah u shpreh kundër atyre që ajo i konsideronte si të këqija dhe mbi të gjitha sulmet seksiste:
“Nuk do të ndodhte kurrë me një burrë. Të gjithë duhet të thonë diçka. Ka shumë rrudha, nuk ka shumë rrudha. Duket se njerëzit nuk duan që ne të ndihemi pikërisht aty ku jemi. Sikur të kënaqen duke na parë të ndjejmë keqardhje për atë që jemi sot”.
“Nëse zgjedhim të plakemi natyrshëm dhe të mos dukemi perfekte, ose nëse bëjmë diçka që na bën të ndihemi më mirë. Unë jam ajo që dukem sikur nuk kam zgjidhje tjetër, çfarë mund të bëj? Të ndaloj së plakuri? Të zhdukem?”, tha ajo, transmeton ‘bota.al’.
“And just like that”, me dhjetë episode gjysmë ore secili, ndjek aventurat e Carrie Bradshaw (Jessica Parker), Charlotte York (Davis) dhe Miranda Hobbes (Nixon) dhe të dashuruarve dhe miqve të tyre ndërsa kalojnë moshën 50-vjeçare.
Seriali do të transmetohet në Hbo Max me Sarah Jessica Parker, Cynthia Nixon dhe Kristin Davis. Kim Cattrall, e cila luajti Samantha Jones në serialin origjinal, nuk do të marrë pjesë.
LEXO EDHE: Zyrtare, “Sex and the City” do të rikthehet në ekran
