Ambasada e Shteteve të Bashkuara të Amerikës në Tiranë, me anë të mesazhi në kuadër të Ditës Ndërkombëtare të Monumenteve dhe Parqeve Arkeologjike, tha se qeveria e SHBA-së po kontribuon me afro 800 000 dollarë për rimëkëmbjen e tre monumenteve të rëndësishme të kulturës në Shqipëri.
“Sot është Dita Ndërkombëtare e Monumenteve dhe Parqeve Arkeologjike, e cila na sjell në vëmendje nevojën për të ruajtur monumentet dhe parqet arkeologjike, dhe për të vlerësuar larminë e trashëgimisë kulturore në mbarë botën”, shprehet Ambasada e SHBA-së.
Më tej Ambasada thekson se “Qeveria e Shteteve të Bashkuara të Amerikës, nëpërmjet Fondit të Ambasadorëve për Ruajtjen e Trashëgimisë Kulturore, po kontribuon pothuajse 800 000 dollarë për punë rimëkëmbse dhe mbrojtëse në tre monumentet të rëndësishme të kulturës në Krujë, Durrës dhe Prezë, të cilat u dëmtuan nga tërmeti i 26 nëntorit”./ ObserverKult
