I ndjeri Sherif Merdiani, një nga këngëtarët që është përballur me burgun dhe torturat e komunizmit, pati reaguar pas deklaratave të këngëtares Alida Hisku, se atë e kanë përdhunuar në burg.
Merdani deklaronte se Hisku gënjen dhe se atë nuk e ka përdhunuar askush.
Sipas Merdanit, askush nuk guxonte që të përdhunonte femrat në qeli, pasi kjo mundësi nuk ekzistonte.
“Për mua që e kam jetuar realisht këtë ferr, bindem se pohimet e këngëtares Alida Hisku s’janë asfare të vërteta.
Askush nuk e ka përdhunuar Alida Hiskun.
E vetmja mënyrë që ata të kishin lidhje të tillë do mund të ishte nëse objekti (femra) i tyre do ishte e lirë dhe ata e përdornin për spiune.
Në raste të tjera ishte krejtësisht e pamundur.
Ato ruheshin dhe sipas kodit të brendshëm jepnin shpesh llogari.
Këto janë shtojca dhe ekzagjerime për të shitur librin që më thonë se ka shkruar, dhe e ka botuar në Gjermani”, pati deklaruar ai.
“Mund të pyesni dhe kolegët e mi të nderuar që kanë bërë burgun komunist si avokati Spartak Ngjela dhe publicisti Fatos Lubonja, që një gjë e tillë ishte krejt e pamundur.
Me pak fjalë, e besoj plotësisht po ta kenë rrahur, dhe nëse e kanë lënë pa ngrenë, por një njeri si unë që ka qëndruar me vite në atë ferr dhe i njeh çdo qelizë nuk e beson se ka pasur përdhunime të shpeshta”, deklaronte më tej Merdani.
Ai shprehej se policët dhe prokurorët kishin frikë nga njëri-tjetri dhe s’do të guxonin të bënin veprime të tilla, pasi mund të spiunoheshin.
“E di shumë mirë që hetuesi, polici dhe prokurori kishin frikë nga njëri-tjetri.
Kjo grua, që unë e njoh qysh kur ishte 16 vjeçe, (Festivali i 11-të), tashmë nuk është në rregull, lëshon nga këto broçkulla për të bërë sensacion ne Gjermani dhe për të shitur librin që ka shkruar.
Le t’i themi të vërtetat ashtu siç kanë qenë dhe jo me sajime dhe tendenca.
Pastaj, vetë Alida ishte një këngëtare shumë e talentuar, por jo një femër e tillë… e shkurtër, e pabukur dhe aspak tërheqëse”, deklaronte Merdani.
Debati për përdhunimet në komunizëm u rikthyen sërish, pas një interviste të Alida Hiskut./vjosa.net
ObserverKult
Lexo edhe:
PREKËSE/ ALIDA HISKU: BABAI MË MOHOI PAS ARRESTIMIT, PËRFUNDOVA NË ÇMENDINË NGA TORTURAT
Ishin të shumta thashethemet për arrestimin e Alida Hiskut gjatë regjimit komunist. Një prej tyre ishte edhe ai, se Hisku u arrestua sepse refuzoi një krushqi në Bllok.
Por, si është e vërteta, sipas Hiskut:
“Në atë kohë ishte e vështirë të gjeje të vërtetën. Akoma më e vështirë është sot e kësaj dite. Kjo tregon se nuk ka ndryshuar sistemi i qarkullimit të zërave keqdashës. Për t’i rënë shkurt, asgjë nuk ishte e vërtetë.
Ishte shpifje. Ishte një thashethem i rëndomtë, i adresuar vetëm për të lënduar zemra njerëzish… “, thotë ajo.
Tekstin e plotë mund ta lexoni KËTU:
ObserverKult
