Gazetarja Aida Shtino ishte e ftuar në emisionin “S’e luan topi” në Top Channel, ku rrëfeu detaje nga jeta e saj profesionale. Ajo tregoi se ka pasur momente shumë të vështira gjatë transmetimit të emisionit “Njerëz të humbur”, madje dhe kërcënime me jetë.
Aida zbuloi se është tentuar t’i bëhej sulm me thikë në ambientet e televizionit ku punonte, por fatmirësisht është shpëtuar nga shoferi i saj.
“Kam pasur shumë momente të vështira, i kam përballuar se kam qenë më e re. Kam marrë kërcënime të ndryshme edhe me jetë. Madje edhe incidente në një televizion tjetër ku për pak më ka shpëtuar jetën shoferi që kam pasur, i cili nuk jeton më. Unë do të kisha emisionin, ai më çoi në ambientet e pasme të televizionit dhe më tha “të shoqëroj të hysh”, i thashë jo s’ka problem.
Ai kishte thënë me vete po e shoqëroj dhe fat i madh se sipër meje po hynte një person me thikë, i cili kishte kërkuar të hynte në emision, u kap nga forcat e policisë më pas. Nuk e kuptova fare si ndodhi aq shpejt, ai ulëriti, nuk më futën brenda dhe nuk mbaj mend më shumë. Ka pas raste të tjera kur më ka ardhur një vajzë për një gocë që kërkonim dhe i kishim hyrë thellë historisë, të nesërmen më erdhi një zarf ku thuhej se ajo ishte në një adresë, ku adresa ishte shtëpia ime dhe unë nga ai moment kërkova mbrojtje”.
Ajo foli edhe për mbylljen e emisionit të saj.
“I fundit është transmetuar në RTSH dhe atë ditë kemi gjetur tre persona, menjëherë të nesërmen më ka ardhur drejtori i RTSH-së dhe ma ka thënë se do të mbyllët, të nesërmen nisi të prishej studioja. Kërkova arsyen me ngulm dhe më thanë se nuk kemi buxhet”, tha ajo.
Lexo edhe:
“SHPËRTHEN” PËRSËRI HERVIN ÇULI: BIG BROTHER, MË KEQ SE KAQ NUK KA KU TË SHKOJË…
ObserverKult
