Objektet e boshatisura të teatrit në krejt Britaninë janë mbuluar me mesazhe mbështetëse shumëngjyrëshe, pasi ato mbesin të mbyllura për shkak të pandemisë së koronavirusit. Teatri Kombëtar në Londër është mbështjellë me shirita rozë, në të cilët shkruhet: “Na mungon teatri”.
Projekti, i udhëhequr nga disenjatorët e grupit “Scene Change”, përfshin gjithashtu teatrin Manchester Royal Exchange dhe teatrin “Royal Lyceum Edinburg”, “Lyric Belfast”, teatrin “Sherman” në Kardif dhe teatrin “Royale Plymouth”.
Humbjet e vendeve të punës
Hapësirat janë mbyllur që nga muaji mars, me shumë paralajmërime se bizneset do të shuhen në muajt e ardhshëm pa ndonjë mbështetje. Ndërhyrja e artit u zbulua në të njëjtën ditë që Teatri Kombëtar konfirmoi se 400 punonjës së shpejti do të humbasin punën e tyre.
“Ne jemi angazhuar të paguajmë stafin tonë deri në fund të gushtit, por për shkak të shumë ndryshimeve në skemën qeveritare të mbajtjes së punës, ne thjesht nuk mund të përballojmë të ofrojmë ndihmë financiare përtej asaj pike, kur nuk do të kthehemi duke performuar si më parë”, ka thënë një zëdhënëse për BBC. Ajo ka shtuar se ata shpresonin se “ndihma shtesë financiare nga qeveria mund të vijë për të lejuar të performojnë përsëri në mënyrë të kufizuar”, por ka thënë se “është vendosur të ketë shumë muaj para se të jetë e mundur për të performuar para audiencës në kapacitete të zakonshme, kështu që për fat të keq një numër i punonjëseve nga stafi duhet pashmangshëm të largohen”.
Njerëzit në telashe
Duke folur për BBC News, aktori fitues i çmimit Oscar, shkrimtari dhe drejtori i teatrit, sir Mark Rylance, ka paralajmëruar se 70 për qind e vendeve të punës mund të mbyllen deri në Krishtlindje, domethënë 290,000 vende pune në sektor janë në rrezik.
Sir Mark, i cili gjithashtu zbuloi se do të riprodhojë rolin e tij në Jerusalem vitin e ardhshëm në një moment, ka theksuar se teatrot nuk mund t’i kthehen normalitetit, dhe se ata do të duhet të ndryshojnë mënyrën se si funksionojnë dhe ta kthejnë përsëri shpresën te ta. “Ata janë prekur shumë keq”, ka thënë Rylance. “Ne kemi zbuluar se ajo që ka sjellë në sipërfaqe edhe pandemia, është se 70 për qind e punëtorëve në teatër janë të pavarur”, ka shtuar ai. “Ata nuk kanë përfituar nga ndonjë skemë lëshimi ose ndonjë nga skemat e mbajtjes së vendeve të punës nga të cilat kanë përfituar ndërtesat dhe personeli i përhershëm, kështu që njerëzit janë me të vërtetë në vështirësi dhe ata do të jenë në më shumë probleme në gusht dhe shtator të këtij viti”, ka thënë ai.
Në një deklaratë, Scene Change ka thënë: “Ky është një moment i rivendosjes në industrinë tonë dhe ne besojmë se komuniteti i projektimit mund të jetë një pjesë thelbësore e transformimit që do të thotë se objektet e teatrit do të rihapen sikundër edhe mënyrat me të cilat mund të riimagjinohet teatri”, ka thënë ai. “Si formues të hapësirës teatrale përmes përdorimit të njerëzve dhe vendit, puna jonë është thelbësore në lidhjen e një ekosistemi të tërë brenda industrisë së teatrit. Ne jemi të pozicionuar në mënyrë ideale për të qenë në zemër të çdo diskutimi rreth asaj se si funksionon teatri në të ardhmen”, transmeton ‘koha.net’.
Shiritat do të qëndrojnë për një javë dhe më pas do të vendosen për t’i mbështetur teatrot e tjera. Vendet në të gjithë qendrën e Londrës do të bashkohen të shtunën, ndërsa RSC, Welller Sadler, teatri Clwyd dhe teatri “Royal Stratford East” do të marrin pjesë javën e ardhshme, së bashku me teatrot Sheffield dhe ambasadorin e “Theatre Group”.
