Këngëtari i njohur grek, Harris Kostopoulos, u nda nga jeta në moshën 60- vjeçare, derisa ka lënë pas vetes një trashëgimi të begatë muzikore. Lajmin e ka bërë të ditur familja e tij përmes një postimi në llogaritë sociale.
Në postim, familja e Harrisit ndau lajmin për ndarjen e tij nga jeta.
Gjatë karrierës së tij, Harris Kostopoulos pati një ndikim të rëndësishëm në skenën muzikore popullore. I përshkruar si autentik, karizmatik dhe i talentuar, Haris u admirua për zemërgjerësinë dhe modestinë e tij. Ai la gjurmë të pashlyeshme në botën e muzikës popullore dhe kontributet e tij do të mbeten të paharrueshme për vitet në vijim.
Familja e të ndjerit falenderuan mjekët dhe stafin infermieror në spitalin Metropolitan për mbështetjen e madhe gjatë gjithë betejës së Harisit me kancerin.
Fansat dhe admiruesit e Harris Kostopoulos janë shprehur shumë të pikëlluar për humbjen e një artisti legjendar që solli gëzim dhe kënaqësi të pafundme përmes muzikës së tij.
Haris Kostopoulos ka ikur nga kjo botë por muzika e tij do të vazhdojë të jetë në zemrat e atyre që e donin dhe vlerësuan talentin e tij.
Por kush është këngëtari i njohur grek dhe cilat janë disa nga hitet e tij?
Harris lindi në Aridaia më 16 mars 1964 dhe u rrit në një familje muzikore. Ai e filloi karrierën e tij si buzukist në moshën 11-vjeçare për qendra të ndryshme argëtimi në qytetet e ‘Maqedonisë’ si Edesa dhe Veria.
Ai ka shkruar tekste dhe muzikë për emra të mëdhenj të muzikës popullore greke, si Vassilis Karras, Makis Christodoulopoulos dhe Stamatis Gonidis.
Gjatë karrierës së tij, ai publikoi 23 disqe. Disa nga hitet e tij më të shquara përfshijnë: “Ti më harro mua”, “Ti je një perëndeshë”, “Çfarë mëkatesh kam bërë” dhe “Më gjej dikë me ndjenja”./ObserverKult
ObserverKult
Lexo edhe:
ARIF MOLLIQI: DITARI I NJË KOHE
Nga Arif Molliqi
- fallxhorja
gati e kishim harruar fallxhoren nga Deçani
që n´vesh të fëmijëve e shpërfillte njeriun
duke ia numëruar krimbat e verdhë
së pari që të dihet
ajo zhvendoste një shami në gojë
e pastaj mbushte tavolinën me gjallesa të vocërra
gjithmonë te të njëjtës ngjyrë
s’kam besuar se mund të kishte krimba
në veshin e fëmijës tremuajsh
por kur bërtita:
ç’të jenë vallë këto specie
vura re trishtimin në sytë e nënës
sa herë që fëmijët e shihnin fallxhoren
n’ derë të oborrit
e dinin se mbi kokat e tyre
do të numërohen krimbat
s’e di bre
s’e di si shumohen ato gjallesa
në organin e njomë të fëmijës
por e di
se saora shtëpia mbushej me krimba
Poezitë e tjera mund ti lexoni KËTU:
ObserverKult
