Një triko e njollosur, e djegur me cigare, dhe e palarë për pothuajse tre dekada, është shitur në një ankand për 334 mijë dollarë.
Solisti i Nirvanas, Kurt Cobain, e kishte veshur këtë triko me pulla gjatë performancës së tij “Unplugged” në MTV më 1993, raporton BBC.
Kurrë s’është larë që nga hera e fundit që e kishte veshur ai.
Veshja ikonike tani raportohet të jetë xhemperi më i shtrenjtë i shitur ndonjëherë në ankand pasi i njëjti u ble në New York të shtunën.
Darren Julien, president i “Julien’s Auction”, trikon e Cobainit e quajti “grali i shenjtë i të gjitha rrobave që ai i ka veshur ndonjëherë”.
Edhe kitara “Fender Mustang”, e krijuar enkas për Cobainin – të cilën e shfrytëzoi gjatë turneut “In Utero” të Nirvanas – ishte po ashtu në shitje, dhe u shit për 340,000 dollarë. E njëjta ka qenë e ekspozuar në korridorin e famës “Rock and Roll” për disa vite.
Artisti ka arritur sukses kolosal pas formimit të bendit Nirvana më 1987, por vështirë e përballoi famën, depresionin dhe varësinë nga droga.
Ai vrau veten në prill të vitit 1994 në moshën 27 vjeçare.
