Nga Blerim Valla
Në skenën e Teatrit të Qytetit “Hadi Shehu” u dha premiera e shfaqjes “Thashethemet”, e realizuar mbi veprën e dramaturgut të njohur Neil Simon, me regji të Besim Ugzmajlit.
“Kjo shfaqje është një farsë. Dhe jo e para e Simonit. Komedia (farsa) “Thahethemet” (Rumours) është një zgjedhje e mirë për të hapur sezonin për vitin 2026 nga Teatri “Hadi Shehu”.”
“Thashethemet” është një komedi spirale sekretesh dhe gënjeshtrash me një ritëm të shpejtë që e mban audiencën të angazhuar dhe në ankth. Angazhimi i aktorëve ndaj kaosit është i lavdërueshëm – ruajtja e intensitetit të një shfaqjeje dy-orëshe të mbushur me komedi fizike, dialog të shpejtë dhe reagime të sinkronizuara.
“Thashethemet” prek diçka universale – largësitë që njerëzit do të shkojnë për të shpëtuar fytyrën, edhe kur e dinë se kanë bërë gabim. Publiku qesh jo vetëm me justifikimet qesharake dhe historitë e ngatërruara të personazheve, por edhe me reflektimin e tyre në ato momente të marrëzisë njerëzore.
Me regjinë e saj të mprehtë, kastin e talentuar të aktorëve “Thashethemet” dëshmoi se teatri gjakovar mund të ofrojë një performancë të denjë. Një komedi si një lloj terapie e të qeshurit.
Shfaqja “Thashethemet” është një vështrim humoristik mbi rrezikun e thashethemeve dhe sipërfaqësinë shoqërore – rreth shoqërisë së lartë.
Shfaqja sillet rreth keqkomunikimit, thashethemeve dhe gënjeshtrave. Kjo shfaqje në një mënyrë të lehtë, i inkurajon audiencën të bëjë një hap prapa dhe të mendojë dy herë para se të flasë! Para se të merret me shpifje e thashetheme!
Është një performancës artistike me tekst të mirë dhe lojë energjike plot situata dhe karaktere të personazheve. Hyrje dhe dalje të shumta në skenë, ardhje dhe ikje të shumta, identitete të gabuara etj. Në fund të aktit të parë, skena aktuale përmbante një grua që i ishte shtrembëruar shpina, një burrë që i ishte shtrembëruar qafa, një burrë tjetër që kishte përkohësisht shumë vështirësi në dëgjim dhe një burrë që i kishte djegur duart. Të gjitha këto sëmundje paraqesin një farsë komike por me kostumografi, skenografi e muzikë funksionale dhe elegante sa edhe qesharake me lojën e aktorëve.
Ngjarja është mjaft e thjeshtë. Një festë për përvjetorin e dhjetë të martesës prishet kur i zoti i shtëpisë qëllon veten në vesh. Duke qenë zëvendësministër i Financave, shoku i tij më i mirë panikohet në rast se pasoja mund të jetë vetëvrasje dhe jo aksident. “Një gjë është e sigurt – mos telefononi policinë.” Ndërsa të gjithë vijnë për festën (një grup njerëzish me pushtet, të pasur, me ndikim në politikë), të gjithë, për arsye të ndryshme, bashkohen në këtë komplot heshtjeje. Natyrisht, në një mënyrë të plotë farse, sa më thellë e gërmojnë këtë vrimë komploti, aq më qesharake bëhet shfaqja. E në fakti asnjëri prej tyre nuk arrin ta takon të zotin e shtëpisë ose gruan e tij. Për më tepër, nuk e zbulon kurrë se si e qëlloi veten.
Ashtu si shumica e komedive të kohës, duhet kohë për t’u ngrohur. Duhet të prezantojë dhe të krijojë tetë personazhe (katër çifte) dhe të krijojë situatën dhe komplotin. Kjo kërkon kohë – për këtë edhe shaqja ishte e gjatë – diku dy orë. Por, pasi të arrihet thelbi kalon në satirën më therëse, falë edhe një regjie të qartë dhe koncize të Besim Ugzmajlit. Ai padyshim që kishte kontrollin e shfaqjes ashtu edhe të aktorëve.
Dhe sa i përket trupës së aktorëve – ata ishin një ansambël i disiplinuar, por edhe që e shijuan shumë këtë komedi.
Duhet veçuar loja brilante e aktorit Edmond Hafizademi loja e tij ishte absolutisht e spikatur dhe një kënaqësi për t’u parë. Por në nivel të lartë ishte edhe loja e aktorëve si Besfort Berberi, Vlera Pylla, Vlora Dervishi, e primadonës së teatrit gjakovar Elida Shasivari, pastaj Arbies Komoni, Altina Kusari, Ylber Mehmeti e Edi Gjakova.
Të metat? Ishte shumë e gjatë – siç ishin praktikisht të gjitha komeditë e shkruara gati dyzet vjet më parë. Skenari (teksti) – jo prodhimi – ka nevojë për shkurtim mbase diku rreth pesëmbëdhjetë apo njëzet minutash!
Kurs mësimi më i rëndësishëm që të gjithë do të kenë nxjerrë nga kjo premierë është se si rrjedha dhe ngjarjet e jetës mund të kufizohen aq lehtë nëse nuk jemi në gatishmëri për çdo moment të jetës!
Shkurt, kjo komedi ishte një mënyrë e mirë për të nisur sezonin teatror 2026 nga teatri gjakovar.
Ndryshe N. Simon ka marrë më shumë nominime për çmimin Oscar dhe Tony se çdo shkrimtar tjetër. Çmimet që ai mori përfshijnë Çmimin Pulitzer, Çmimin Emi, Çmimin Tony dhe një Çmim të veçantë Tony për Kontribut të Përgjithshëm në Teatër. Nominime të tjera përfshijnë një Çmim Amerikan të Komedisë për Arritje Gjatë Jetës, si dhe një Nominim për Oscar për filmin The Odd Couple.
Ai shkroi më shumë se 30 drama dhe mori më shumë nominime dhe çmime sesa çdo shkrimtar tjetër. Ai ishte një nga krijuesit më të besueshëm të hiteve në historinë e Broadway-t, si dhe një nga dramaturgët më të interpretuar në botë. Kryesisht njihet për shkrimtar i komedive por ka shkruar edhe disa drama.
ObserverKult
Lexo edhe:
Rita Petro: Liria është një dhuratë që m’u dha ditën kur linda!
