Ndahet nga jeta një ndër artistët e njohur dhe themeluesit e grupit “Karajfilat që ka Shkodra”, Berhan Nehani.
Lajmin e ka bërë me dije kryebashkiakja e Shkodrës, Voltana Ademi, e cila përmes një postimi në rrjetet sociale thotë se “zemra e artistit pushoi së rrahuri ditën e sotme, në moshën 76-vjeçare”.
“Njeri i qeshur dhe i dashur me të gjithë, pasionant i artit dhe muzikës qytetare shkodrane, kështu do ta kujtojmë gjithmonë këtë zotni Shkodre e qytetar model”, shkruan Ademi.
Postimi i Voltana Ademi
Ndarja nga jeta e zotni Berhan Nehanit, është një lajm i trishtueshëm për artin dhe Shkodrën tonë.
Ndër themeluesit e grupit “Karajfilat që ka Shkodra” por edhe nismëtar i rimëkëmbjes së tij para 5 viteve, zemra e artistit pushoi së rrahuri ditën e sotme, në moshën 76-vjeçare.
Njeri i qeshur dhe i dashur me të gjithë, pasionant i artit dhe muzikës qytetare shkodrane, kështu do ta kujtojmë gjithmonë këtë zotni Shkodre e qytetar model.
Ngushëllime familjes, të afërmve, kolegëve për këtë humbje! Do ta kujtojmë gjithmonë artistin z. Berhan Nehani.
