Presidentja e Kosovës, Vjosa Osmani, në një ceremoni të mbajtur në Presidencë ia ka dorëzuar Medaljen Presidenciale të Meritave, Rock Grupit “Oda” për promovimin e vlerave muzikore si pjesë e gjeneratës së artë të rokut në Kosovë.
Në emër të grupit, Medaljen e ka pranuar Dukagjin Lipa, i cili e ka falënderuar Presidenten Osmani për dekoratën.
Presidentja Osmani ka theksuar se “Oda”, sikurse edhe grupe të tjera të viteve të ’80-ta, ishin jo vetëm interpretues, por edhe katalizatorë të ndryshimeve shoqërore.
“Muzika e ‘Odës’ është emblemë e identitetit kulturor dhe krenarisë për Kosovën. Krijimtaria muzikore e tyre vazhdon të jetë dëshmi e fuqisë transformuese të artit në kohë dhe periudha të ndryshme duke u shndërruar po ashtu në një mjet rezistence”, ka theksuar Osmani.
Ndryshe, Medalja Presidenciale grupit “Oda” i është ndarë një vit më parë në një ceremoni në të cilën janë nderuar edhe rock grupe të tjera të asaj periudhe, sikurse edhe institucione e personalitete të tjera, të cilat kanë kontribuar ndër vite.
Vlen të theksohet se kjo ceremoni u mbajt në prag të fillimit të Sunny Hill Festival.
Në pamundësi për të qenë prezente për shkak të agjendës ndërkombëtare, Presidentja Osmani e përgëzoi Dukagjinin, Dua Lipën dhe Sunny Hill Foundation për punën e shkëlqyer duke i uruar që ky edicion të jetë një tjetër sukseses i jashtëzakonshëm.
ObserverKult
Lexo edhe:
KRYETARI I PRISHTINËS, PËRPARIM RAMA, TAKOHET ME DUKAGJIN LIPËN: A JENI GATI PËR SUNNYHILL…
