Nuk është hera e parë që Pogradeci vlerësohet si një ndër vendet më piktoreskë për artistët vizualë.
Qyteti ka pritur këtë fillimviti dhjetëra piktorë nga Shqipëria, Kosova, Maqedonia e Veriut, Mali i Zi dhe Egjipti të cilët u bashkuan në një koloni artistike.
Përditë me radhë, ata hodhën në telajo punime të ndryshme nga kënde të ndryshme të qytetit si dhe abstraksione.
Për Sajmir Ahmetin, i cili organizon këtë koloni, Pogradeci mbetet një “muzë” në artin viziv për çdo piktor.
Raghda Ahmed Elmohandes, piktore nga Egjipti dhe Amire Demolli nga Prishtina e kanë gjetur veten mjaft mirë në këtë koloni, ato shprehen se jo vetëm kanë pikturuar, por kanë shkëmbyer eksperienca mjaft interesante me kolegët.
Ky është viti i 14-të që kjo koloni organizohet radhazi në Pogradec dhe çdo vit ka sjellë artistë nga shumë vende të botës.
Ekspozita do të qëndrojë e hapur për 10 ditë./a2news.com