E duen Kosovën
Gjithçka të sajen e duen
Kur s’bie shi verave e digjet bari
Kur dimni s’ka borë e liqenet shterojnë
Shinash kur gurgullojnë përrojet
E ngihemi ujë
O larg janë e malli i djegë edhe për gurët e saj
Sa që i mbështjellin me dhjam si guacat
N’veshkët e tyne e perla u bahen
Sa herë Dardania smuhet
Gurët u lëvizin e ndjejnë dhëmbje malli
O larg janë bre këta t’përcëlluem
Mos i trueni mes oqeaneve
Dhe mos e shkelni Kosovën n’veshke
Se këtyne gurët ua lëvizni
Dhëmbjet u egërsohen e qajnë
Këta njerëz prej dheu
