Jacques Romain Georges Brel (8 prill 1929 – 9 tetor 1978) ishte një këngëtar dhe aktor belg që kompozoi dhe interpretoi këngë të njohura në mbarë botën. Ai konsiderohet si mjeshtër i shansonit modern.
Në vazhdim ua sjellim tekstin dhe videon e këngës së tij të njohur “Quand on a que l’amour” (Kur kemi vetëm dashurinë).
Kur kemi vetëm dashurinë
Për t’ia dhuruar njëri-tjetrit
N’ditën e udhëtimit t’madh
T’dashurisë sonë t’madhe
Kur kemi vetëm dashurinë
Dashuria ime, ti dhe unë
Që t’shpërthej nga gëzimi
Çdo orë dhe çdo ditë
Kur kemi vetëm dashurinë
Për t’përjetuar premtimet tona
Pa asnjë pasuri tjetër
Se t’besojmë gjithmonë
Kur kemi vetëm dashurinë
Për t’veshur me mrekulli
Dhe mbuluar me diell
Shëmtinë e periferive
Kur kemi vetëm dashurinë
Për arsye t’vetme
Për këngë t’vetme
Dhe shpëtim t’vetëm
Kur kemi vetëm dashurinë
Për t’veshur n’mëngjes
T’varfërit dhe vagabondët
Me pallto kadife
Kur kemi vetëm dashurinë
Për t’dhuruar për lutje
Për t’këqijat e botës
Si trubadur t’thjesht
Kur kemi vetëm dashurinë
Për t’ia dhuruar atyreve
Që kanë për luftë t’vetme
Kërkimin e ditës
Kur kemi vetëm dashurinë
Për t’shenjuar shtegun
Dhe forcuar fatin
N’secilin udhëkryq
Kur kemi vetëm dashurinë
Për t’i folur gjylave
E vetëm një këngë
Për t’bindur tupanxhiun
Atëherë, pa pasur asgjë
Por vetëm forcën për t’dashur
Do t’kemi n’duart tona
Miq, tërë botën.
Përktheu: Çlirim Lazaj
ObserverKult
Lexo edhe:
JACQUES BREL: NE ME QUITTE PA – MOS MË BRAKTIS, TEKSTI NË SHQIP DHE VIDEO
